فوتو: شىمكەن پد
قايعىلى وقيعا قالاداعى كوپقاباتتى ۇيلەردىڭ بىرىندە بولعان. جاس جىگىت دوستارىمەن بىرگە پاتەر جالداپ تۇرعان. ءتۇن ورتاسى شاماسىندا كورشى بولمەدە كۇدىكتى دىبىستار ەستىلگەن. بولمەگە كىرگەن ولار ۋتكارش شارمانىڭ اۋىر حالدە جاتقانىن كورگەن.
دوستارى بىردەن جەدەل جاردەم شاقىرعان. الايدا وقيعا ورنىنا جەتكەن دارىگەرلەر جاس جىگىتتىڭ كوز جۇمعانىن ايتتى. الدىن الا دياگنوز: جەدەل جۇرەك جەتىسپەۋشىلىگى.
مەديتسينالىق اكادەميا وكىلدەرى وقۋعا تۇسكەننەن كەيىن ۋتكارش تولىق مەديتسينالىق تەكسەرۋدەن ءوتىپ, دەنساۋلىعىندا اقاۋ انىقتالماعانىن حابارلادى. جاقسى وقىدى, جامان ادەتتەرى جوق, دەنساۋلىعىنا ەشقاشان شاعىمدانبادى.
پوليتسەيلەر ءولىمنىڭ ناقتى سەبەبىن انىقتاۋ ءۇشىن سوت-مەديتسينالىق ساراپتاما تاعايىندالعانىن حابارلادى.
«پوليتسيا ەر ادامنىڭ ولىمىنە قاتىستى قىلمىستىق ءىس قوزعادى. زورلىق-زومبىلىقپەن ءولىم بەلگىلەرى تابىلمادى. ءولىمنىڭ الدىن الا سەبەبى - كەنەتتەن جۇرەك توقتاۋى. وقيعانىڭ ءمان-جايىن انىقتاۋ ماقساتىندا بىرقاتار جەدەل-ىزدەستىرۋ شارالارى جۇرگىزىلىپ جاتىر», دەپ حابارلادى شىمكەنت قالالىق پوليتسيا دەپارتامەنتى.
اتا-اناسى مارقۇم ۇلىنىڭ دەنەسىن الماتى ارقىلى دەليگە جەتكىزدى.
