فوتو: gov.kz
جۇمىس اياسىندا ەسكى تاڭبالار الىنىپ, جاڭا سىزىقتار بەلگىلەنەدى.
تاڭبالاۋ كەزىندە اۋا رايى جاۋىن-شاشىنسىز بولىپ, اۋا تەمپەراتۋراسى +10°C-تان تومەن ەمەس جانە اۋانىڭ سالىستىرمالى ىلعالدىلىعى 85%-دان اسپاۋ كەرەك. مۇنداي شارتتاردى ورىنداۋ بوياۋدى, سۋىق پلاستيكتى جانە تەرموپلاستيكانى قوسا العاندا, ارنايى جول بەلگىلەرىن دۇرىس قولدانۋدا اسا ماڭىزدى.
«2025 جىلى قالانىڭ جالپى اۋدانى 430 مىڭ م2 بولاتىن 190 كوشەسىندە جول بەلگىلەرىن قويۋ بويىنشا جۇمىستاردى ورىنداۋ جوسپارلانىپ وتىر. باسىم باعىتتاردىڭ ءبىرى «بالالار قاۋىپسىزدىگى» باعدارلاماسىن ىسكە اسىرۋ بولىپ سانالادى, ول بالالار مەكەمەلەرى مەن مەكتەپتەردىڭ جانىندا ورنالاسقان اۋدانداردى قامتيدى. بۇل باعدارلاما جاياۋ جۇرگىنشىلەر ءۇشىن, اسىرەسە بالالار ءۇشىن قاۋىپسىز جاعداي جاساۋعا جانە وقۋ ورىندارى ماڭىنداعى جول اپاتتارىنىڭ الدىن الۋعا باعىتتالعان», دەلىنگەن استانا قالاسى اكىمدىنىڭ حابارلاماسىندا.
تاڭبالاۋدى جاڭارتۋ بويىنشا جۇمىستار قولايلى اۋا رايى بولعانعا دەيىن كۇندىز جۇرگىزىلەدى.
وسىعان بايلانىستى اكىمدىك جولدا سابىرلىق ساقتاپ, بەلگىلەنگەن ەرەجەنى بۇزباۋعا شاقىرادى.
