فوتو: ۇوك
اشىلۋ راسىمىنە ۇلتتىق وليمپيادالىق كوميتەتىنىڭ پرەزيدەنتى, World Boxing وليمپيادالىق كوميسسياسىنىڭ توراعاسى گەننادي گولوۆكين قاتىستى.
ءىس-شاراعا برازيليا بوكس فەدەراتسياسىنىڭ توراعاسى ماركوس كانديدو دە بريتو, پانامەريكالىق بوكس كونفەدەراتسياسىنىڭ پرەزيدەنتى ەليز سەنول جانە WB باس حاتشىسىنىڭ مىندەتىن اتقارۋشى مايك ماكاتتي ءسوز سويلەدى.
گەننادي گولوۆكين بوكستى لوس-اندجەلەس-2028 وليمپيادا ويىندارىنىڭ باعدارلاماسىندا ساقتاپ قالۋدىڭ ماڭىزدىلىعىن جانە بۇل سپورت ءتۇرىن ءارى قاراي دامىتۋ قاجەتتىلىگىن ايتتى.
سونىمەن قاتار گەننادي گولوۆكين ءوتىپ جاتقان الەم كۋبوگىنىڭ وڭتۇستىك امەريكادا بوكس سپورتىنىڭ تانىمالدىلىعىن ارتتىرۋداعى ماڭىزدىلىعىن اتاپ ءوتتى. وليمپيادالىق كوميسسيانىڭ توراعاسى بۇل سايىستاردىڭ سپورتشىلاردى الداعى وليمپيادا ويىندارىنا دايىندىقتىڭ ماڭىزدى كەزەڭى بولاتىنىنا سەنىم ءبىلدىردى.
ايتا كەتەيىك, برازيلياداعى الەم كۋبوگىنىڭ ءبىرىنشى كەزەڭىنە 18 ەلدەن 130 بوكسشى قاتىسۋدا. ءتۋرنيردىڭ كەلەسى كەزەڭى قازاقستاندا 30 ماۋسىم مەن 7 شىلدە ارالىعىندا وتەدى. ال 21 مەن 27 شىلدە ارالىعىندا تاعى ءبىر كەزەڭى كۇنتىزبەدە بار. جارىستىڭ وتەتىن ورنى كەيىنىرەك حابارلانادى. الەم كۋبوگىنىڭ فينالدىق كەزەڭى 15–22 قاراشادا ءۇندىستاندا جوسپارلانعان.
سونداي-اق, 2025 جىلى World Boxing الەم چەمپيوناتىن ۇيىمداستىرادى. بۇل بەدەلدى تۋرنير 4-14 قىركۇيەك ارالىعىندا ۇلىبريتانيادا وتەدى.
