اتىراۋ قالاسىنداعى اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ ماتەريالىندا كورسەتىلگەندەي, 4 ادامعا قر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن (ۇساق بۇزاقىلىق) ايىپ تاعىلعان.
«2025 جىلعى 23 ناۋرىزدا ازاماتشالار ن., ا. جانە كامەلەت جاسىنا تولماعان ح. مەن ا. اتىراۋ قالاسىنداعى مۇز ايدىنى سارايىنىڭ عيماراتىندا اراب تىلىندەگى جازۋى بار قازاقستان رەسپۋبليكاسىنىڭ تۋىمەن سۋرەتكە تۇسكەن. سۋرەتتى الەۋمەتتىك جەلى ارقىلى تاراتىپ, ۇساق بۇزاقىلىق جاساعان. ولاردىڭ كىناسى اكىمشىلىك قۇقىق بۇزۋىشىلىق تۋرالى حاتتامامەن, فوتوسۋرەتپەن, باياناتپەن جانە باسقا دا ءىس ماتەريالدارىمەن تولىق دالەلدەندى», دەپ حابارلادى اتالعان سوتتان.
سوت قاۋلىسىمەن قۇقىق بۇزۋشىلار ايىپ تاعىلعان باپپەن كىنالى دەپ تانىلدى.
«ن.-عا كامەلەتكە تولماعان ادامدى اكiمشiلiك قۇقىق بۇزۋشىلىققا تارتۋ, ادامدار توبىنىڭ اكiمشiلiك قۇقىق بۇزۋشىلىق جاساۋى سەكىلدى جاۋاپتىلىعىن اۋىرلاتاتىن ءمان-جاي ەسكەرىلىپ, 15 تاۋلىككە اكىمشىلىك قاماققا الۋ تۇرىندەگى اكىمشىلىك جازا قولدانىلدى. ا.-عا اكىمشىلىك جازا رەتىندە 78 مىڭ 640 تەڭگە, كامەلەتكە تولماعان ح. مەن ا.-نىڭ زاڭدى وكىلىنە 39 مىڭ 320 تەڭگە اكىمشىلىك ايىپپۇل سالىندى», دەپ ءمالىم ەتتى سوتتان.
سوت قاۋلىلارى زاڭدى كۇشىنە ەنگەن جوق.
