ەلوردادا تاعى ءبىر «بەلسەندى ۇزاق ءومىر ءسۇرۋ» ورتالىعى اشىلدى

زەينەتكەرلەر ءۇشىن تەگىن ۇيىرمەلەر مەن سەكتسيالار جۇمىس ىستەيدى. بۇگىندە وڭالتۋ گيمناستيكاسى, ترەناجەرلىك زال, يوگا, سكانديناۆيالىق سەرۋەن, توعىزقۇمالاق, شاحمات, تەننيس, ەڭبەك تەراپياسى, الەۋمەتتىك جەلىلەر ۇيىرمەلەرى مەن پروفيلاكتيكالىق ماسساج بار. الداعى ۋاقىتتا الەۋمەتتىك-ساۋىقتىرۋ, الەۋمەتتىك-ەڭبەك, الەۋمەتتىك-اۋەسقوي باعىتتارىندا ۇيىرمەلەر اشۋ جوسپارعا الىنعان.

ورتالىققا زەينەتكەرلەردى تىركەۋ 17 ناۋرىزدان باستالىپ, قازىرگە دەيىن سارايشىق اۋدانى بويىنشا 60 ادام تىركەلگەن ەكەن. العاشقى ساباقتار وڭالتۋ گيمناستيكاسى مەن تەننيستەن جانە توعىزقۇمالاقتان ءوتتى.

«ورتالىق فيليالدارى الماتى اۋدانى بويىنشا ر.قوشقارباەۆ كوشەسى, 29/1 ۇيدە, بايقوڭىر اۋدانى بويىنشا اباي كوشەسى, 46 ۇيدە, ەسىل اۋدانى بويىنشا دوستىق كەشەسى, 13 ۇيدە, سارىارقا اۋدانى بويىنشا بەيبىتشىلىك كوشەسى, 25 ۇيدە, نۇرا اۋدانى بويىنشا تولە بي كوشەسى, 44 ۇيدە ورنالاسقان», دەلىنگەن استانا اكىمدىگىنىڭ رەسمي سايتىندا.

بۇگىندە قالانىڭ 15 مىڭنان استام زەينەتكەرى تەگىن ۇيىرمەلەرگە قاتىسىپ جاتىر.