فوتو: URA.RU
ەستەرىڭىزگە سالا كەتەيىك, ءبىر توپ ءجاسوسپىرىم جالعان ايتۋمەن جالعىزباستى زەينەتكەردىڭ ۇيىنە كىرىپ, قورعانسىز ادامدى اياۋسىز ۇرىپ-سوعىپ, توناپ كەتكەن. ولار زەينەتكەرگە قاتىستى جاساعان قورلىقتارىن ۆيدەوعا ءتۇسىرىپ, ونى دوستارىنا جانە تانىستارىنا تاراتقان. بۇل بەينەمازمۇندى باسقا ءبىر توپ جاستار كورىپ, توناۋشىلاردى «جازالاۋ» شەشىمىنە كەلگەن.
«تەمىرتاۋ قالاسىنىڭ 67 جاستاعى تۇرعىنىنا قاتىستى شابۋىل مەن توناۋ فاكتىسى بويىنشا جۇرگىزىلىپ جاتقان تەرگەۋ بارىسىندا, قىلمىس جاسالعاننان كەيىن, ەكى كۇدىكتى باسقا جاسوسپىرىمدەر تاراپىنان شابۋىلعا ۇشىراعانى انىقتالدى», دەپ حابارلادى قاراعاندى وبلىسىنىڭ پوليتسيا دەپارتامەنتى.
بۇل جاعداي بويىنشا «دەنساۋلىققا قاساقانا اۋىر زيان كەلتىرۋ» بابى بويىنشا قىلمىستىق ءىس قوزعالعان.
«بارلىق جاسوسپىرىمدەر ۇستالىپ, پوليتسياعا جەتكىزىلدى, سونداي-اق ولار پروفيلاكتيكالىق ەسەپكە قويىلدى. ولاردىڭ زاڭدى وكىلدەرى تاربيە ماسەلەسىندە جاۋاپكەرشىلىككە تارتىلاتىن بولادى», دەلىنگەن حابارلامادا.
سونىمەن قاتار, قۇقىق قورعاۋشىلار بارلىق ارەكەتتەرگە تەك زاڭ اياسىندا قۇقىقتىق باعا بەرىلەتىنىن جانە زاڭسىز ارەكەتتەرگە تەك قۇقىقتىق نەگىزدە جاۋاپ بەرىلەتىنىن اتاپ ءوتتى.
