فوتو: قورعانىس مينيسترلىگىنىڭ ءباسپاسوز قىزمەتى
قورعانىس ءمينيسترى گەنەرال-پولكوۆنيك رۋسلان جاقسىلىقوۆ گارنيزونعا ساپارى بارىسىندا پارلامەنت دەپۋتاتتارىمەن بىرگە الاڭدى, قارۋ-جاراق پەن جاۋىنگەرلىك ماشينالاردىڭ قۇرامىن قاراپ, تەحنيكانى بوياۋ ساپاسىن باعالاپ, جاۋاپتى تۇلعالارعا نۇسقاۋلار بەردى.
كەڭەس وداعىنىڭ باتىرى گەنەرال-مايور يۆان پانفيلوۆتىڭ نەمەرەسى الۋا بايقاداموۆا باسقاراتىن ۇلتتىق اسكەري-پاتريوتتىق ورتالىق پەن جاۋىنگەرلىك داڭق مۇراجايىنىڭ فيليالى ورنالاسقان ارميا ۇيىندە دە قايتا قالپىنا كەلتىرۋ جۇمىستارى جۇرگىزىلىپ جاتىر.
«الماتى ءۇشىن ارميا ءۇيىنىڭ مادەني ماڭىزى زور. بۇل – تاريحي ساۋلەت ەسكەرتكىشى. سوندىقتان ءبىز ونىڭ باستاپقى كەلبەتىن قالامىز بەن ەلىمىزدىڭ ەڭ كورىكتى جەرلەرىنىڭ ءبىرى رەتىندە ساقتاۋعا مىندەتتىمىز», دەپ اتاپ ءوتتى رۋسلان جاقسىلىقوۆ.
مينيسترلىكتىڭ مالىمەتىنشە, عيماراتتى قايتا قالپىنا كەلتىرۋدەگى باستى ەرەكشەلىكتەردىڭ ءبىرى اشىق اسپان استىنداعى جاۋىنگەرلىك تەحنيكا مۇراجايىن اشۋ بولماق. مۇراجاي ەكسپوزيتسياسىن اتالعان سوعىس جىلدارىنداعى قارۋ-جاراقتىڭ 30-عا جۋىق ۇلگىسى قۇرايدى. ەڭ قۇندى ەكسپوناتتاردىڭ قاتارىندا 1931 جىلعى 152 مم گاۋبيتسا بار.
