بيۋرونىڭ قاۋلىسىنا سايكەس الداعى بەيسەنبىدە سەناتورلار «قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل جونىندەگى ەۋرازيالىق توپ تۋرالى كەلىسىمگە جانە قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل جونىندەگى ەۋرازيالىق توپتىڭ بيۋدجەتىن قالىپتاستىرۋ جانە اتقارۋ ءتارتىبى تۋرالى ەرەجەگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭدى قارايدى.
زاڭ نورماتيۆتىك بازانى فاتف ستاندارتتارىنا سايكەس كەلتىرۋگە, جاپپاي قىرىپ-جويۋ قارۋىن تاراتۋدى قارجىلاندىرۋعا قارسى ءىس-قيمىل مانداتىن كەڭەيتۋگە, قارجىلىق تەتىكتەردى ناقتىلاۋعا جانە ۇيىمنىڭ تيىمدىلىگىن ارتتىرۋ ءۇشىن تەحنيكالىق تۇزەتۋلەر ەنگىزۋگە باعىتتالعان.
سونىمەن قاتار دەپۋتاتتار وسى اپتادا بولاتىن كوميتەتتەر وتىرىستارىندا جانە مۇددەلى تاراپتارمەن بىرلەسكەن كوشپەلى كەزدەسۋلەردە قوزعالاتىن ماسەلەلەردى تالقىلادى. بۇل ءىس-شارالاردا وڭىرلەردەگى وزەكتى پروبلەمالاردى شەشۋ بارىسىنا باسا ءمان بەرىلەدى. سونداي-اق بيۋرودا بۇعان دەيىن پارلامەنت ءماجىلىسى قابىلداعان زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
