فوتولار: قورعانىس مينيسترلىگىنىڭ ءباسپاسوز قىزمەتى
كوگالداندىرۋ اكتسياسى – جەڭىستىڭ 80 جىلدىعىنا ارنالدى. وتىرعىزىلعان كوشەتتەردىڭ ءبىر بولىگى ارميا ءۇيى, داڭق مەموريالى جانە 28-ءشى گۆاردياشى-پانفيلوۆشىلار ساياباعىن قامتيتىن مەموريالدىق كەشەننىڭ ءبىر بولىگى بولماق.
مينيسترلىك مالىمەتىنشە اكتسياعا پارلامەنت دەپۋتاتتارى, باس اسكەري پروكۋرور, ادىلەت گەنەرال-مايورى داستان سەكەنوۆ, دەسانتتىق-شابۋىلداۋ اسكەرلەرىنىڭ قولباسشىسى گەنەرال-مايور الماز جۇماكەەۆ, الماتى قالاسى اسكەري-تاريحي مۇراجايىنىڭ باسشىسى الۋا بايقاداموۆا, جەرگىلىكتى اسكەري باسقارۋ ورگاندارىنىڭ, قالالىق اكىمدىكتىڭ, ارداگەرلەر ۇيىمدارىنىڭ وكىلدەرى جانە «جاس ۇلان» رەسپۋبليكالىق اسكەري مەكتەبىنىڭ تاربيەلەنۋشىلەرى قاتىستى.
قورعانىس ءمينيسترى 1941-1945 جىلدارداعى ەكىنشى دۇنيەجۇزىلىك سوعىستا قازا تاپقانداردى ەسكە الۋعا ارنالعان ەكولوگيالىق اكتسيا وتانداستارىمىزدىڭ جەڭىسكە قوسقان ۇلەسىنە دەگەن قۇرمەت دەپ اتاپ ءوتتى.
«مەگاپوليستە 80 ءتۇپ اعاش وتىرعىزىلماق. جالپى قارۋلى كۇشتەردىڭ اسكەري بولىمدەرى بار ءار گارنيزوندا وسىنشا كوشەت وتىرعىزىلادى. وسىلايشا ءبىز مايدانگەر باتىرلارعا قۇرمەت كورسەتەمىز», دەدى گەنەرال-پولكوۆنيك رۋسلان جاقسىلىقوۆ.
