فوتو: Pixabay
قمدب-نىڭ حابارلاۋىنشا, بيتكوين ۇلتتىق ۆاليۋتا رەتىندە مويىندالمايدى, سەبەبى ول مەملەكەتتىك كەپىلدىكتەر مەن قارجىلىق زاڭدارمەن قورعالماعان جانە ناقتى اكتيۆتەرگە نەگىزدەلمەگەن ورتالىقتاندىرىلماعان ۆيرتۋالدى اقشا بولىپ ەسەپتەلىنەدى.
كريپتوۆاليۋتانىڭ نارىعىنىڭ تۇراقسىزدىعى, ونىڭ قۇنىنداعى كۇرت وزگەرىستەر ادامداردىڭ قارجىلىق شىعىندارعا ۇشىراۋىنا اكەلۋى مۇمكىن. بۇل, ءوز كەزەگىندە, ادامنىڭ مال-مۇلكىن ارام جولمەن الۋ جانە ونىڭ قۇقىقتارىن بۇزۋ قاتەرىن تۋعىزادى. شاريعاتتا بەلگىسىزدىك دەڭگەيى جوعارى مامىلەلەرگە تىيىم سالىنعاندىقتان, بيتكويننىڭ انونيمدىلىگى مەن شيفرلاۋ جۇيەلەرى الاياقتىق ارەكەتتەرگە جول اشاتىنى دا قمدب تاراپىنان اتاپ ءوتىلدى.
سونىمەن قاتار, بيتكويننىڭ اينالىمى ەكونوميكالىق تۇراقتىلىققا تەرىس اسەر ەتىپ, كولەڭكەلى بيزنەستى, اقشانى جىلىستاتۋدى جانە تىيىم سالىنعان ۇيىمداردى قارجىلاندىرۋدى جەڭىلدەتۋى مۇمكىن دەپ پايىمدالادى. وسىلايشا, قمدب شاريعات تۇرعىسىنان بيتكويندى پايدالانۋعا قاتاڭ تىيىم سالىناتىنىن جاريالادى.
