سۋرەت: adebiportal.kz
بيىل اسا كورنەكتى اقىن, مەملەكەتتىك سىيلىقتىڭ لاۋرەاتى جۇمەكەن ناجىمەدەنوۆتىڭ تۋعانىنا 90 جىل تولادى. شالقار دارىن يەسى ءا دەگەننەن قازاق پوەزياسىنا ءوز ۇنىمەن كەلدى. وعان جاڭاشا ورنەك قوستى. ونىڭ ولەڭدەرىنەن عانا ەمەس, پوەمالارىنان فيلوسوفيالىق تەرەڭدىكتى, پاراساتتىلىقتى كورەسىز. پروزاعا دا قالام تەربەپ, سۇيەكتى شىعارمالار جازدى. سونداي-اق جۇمەكەن ناجىمەدەنوۆ – مەملەكەتتىك ءانۇران اۆتورلارىنىڭ ءبىرى. اقىننىڭ زامانداسى ءبىرتۋار تۇلعا مۇقاعالي ماقاتاەۆ: «جۇمەكەن جۇمباق اقىن. تامىرىن تەرەڭگە سالعان, ويعا باي, تىلگە ساراڭ سۋرەتكەر. اقىن جۇمەكەن, جۇمباق جۇمەكەن ءبىزدىڭ پوەزيامىزدىڭ بۇگىنگى دە, ەرتەڭگى دە ورنىنا مىقتاپ جايعاسقان», دەپ كوزى تىرىسىندە جوعارى باعالاعان.
مازمۇندى شارا بارىسىندا وقۋشىلار ايتۋلى تۇلعانىڭ ومىرىمەن, شىعارماشىلىعىمەن جاقىن تانىستى. اقىن كىتاپتارىنا بيبليوگرافيالىق شولۋ جۇرگىزدى. سونىمەن بىرگە قابىرعالى قالامگەردىڭ تۋىندىلارىن جاتقا وقىدى. مەملەكەتتىك ءانۇراندى ورىندادى.
ءسويتىپ, جاس وقىرماندار بىرەگەي سۋرەتكەردىڭ شىعارماشىلىق الەمىنە ساياحات جاسادى.
گۇلجاۋھار ەسەنتاەۆا,
قاراعاندى اۋىلدىق كىتاپحاناسىنىڭ قىزمەتكەرى
باتىس قازاقستان وبلىسى, ءبورلى اۋدانى
