اتالعان جارلىققا سايكەس ۇلى وتان سوعىسىنىڭ ارداگەرلەرى, تىل ەڭبەككەرلەرى جانە وزگە دە ادامدار « ۇلى وتان سوعىسىنداعى جەڭىسكە 80 جىل» بىرىڭعاي مەرەكەلىك مەدالىمەن ناگرادتالادى.
- 1941 – 1945 جىلدارداعى ۇلى وتان سوعىسىنداعى جەڭىس كۇنىنىڭ 80 جىلدىعى قۇرمەتىنە, سوعىس ارداگەرلەرى مەن تىل ەڭبەككەرلەرىنىڭ ەرلىگىنە, قاھارماندىعى مەن قايسارلىعىنا تەرەڭ قۇرمەت كورسەتە وتىرىپ, قاۋلى ەتەمىن:
1. « ۇلى وتان سوعىسىنداعى جەڭىسكە 80 جىل» بىرىڭعاي مەرەكەلىك مەدالى تاعايىندالسىن.
2. مىنالار:
1) « ۇلى وتان سوعىسىنداعى جەڭىسكە 80 جىل» بىرىڭعاي مەرەكەلىك مەدالىمەن ناگرادتاۋ قاعيدالارى (بۇدان ءارى – قاعيدالار);
2) « ۇلى وتان سوعىسىنداعى جەڭىسكە 80 جىل» بىرىڭعاي مەرەكەلىك مەدالىنىڭ سيپاتتاماسى بەكىتىلسىن.
3. قاعيدالارعا سايكەس ۇلى وتان سوعىسىنىڭ ارداگەرلەرى, تىل ەڭبەككەرلەرى جانە وزگە دە ادامدار « ۇلى وتان سوعىسىنداعى جەڭىسكە 80 جىل» بىرىڭعاي مەرەكەلىك مەدالىمەن ناگرادتالسىن.
4. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى, - دەلىنگەن قۇجاتتا.
