جاڭا اۆياتسيالىق تەحنيكانى مەڭگەرۋدە

قر قك اقك اسكەري-اۋە كۇشتەرىندە جاڭا اۆياتسيالىق تەحنيكانى قارۋ-جاراق ساپىنا قويۋمەن قاتار, سول تەحنيكانى ۇشقىشتار قۇرامىنىڭ مەڭگەرۋىن ۇيىمداستىرۋعا ەرەكشە كوڭىل بولىنەدى. الماتى قالاسىنىڭ اۆيا­تسيا­لىق بازاسىندا وقۋ-جاتتىعۋ ۇشۋى بارىسىندا مايور رايل قۇربانعاليەۆ تۇڭعىش رەت ەكيپاج كومانديرى رەتىندە س-295 يسپاندىق اسكەري كولىك ۇشاعىن باسقارىپ ءوز بەتىنشە ۇشتى. تۇڭعىش ۇشۋ الدىندا اسكەري قىزمەتشى كوپ ەڭبەكتەنىپ, جەردە ءتۇرلى جاتتىعۋ قۇرىلعىلارىندا جاتتىقتى. مايور قۇربانعاليەۆ كەمە كومانديرى كومەكشىسى لاۋازىمىنان اۆياتسيالىق جاساق كومانديرى لاۋازىمىنا دەيىن كوتەرىلگەن. الدىندا ول ان-26 مەن ان-12 ۇشاقتارىن مەڭگەرىپ, ولارمەن 900 ساعاتتان ارتىق ۇشقان. 2014 جىلى سەۆيليا قالاسىنداعى (يسپانيا) Airbus Military دايارلاۋ ورتالىعىندا تەوريالىق كۋرستان ءوتىپ, سەرتيفيكات الدى. ال ۇشۋدان قايتا دايارلىقتى قازاقستاندا قر قك اقك ااك نۇسقاۋشى ۇش­قىشى مايور دميتري گروتستىڭ جەتەكشىلىگىمەن ءوتتى. س-295 ۇشاعى قر قك اقك اسكەري-اۋە كۇشتەرى ساپىنا 2013 جىلى قابىلدانعاندىعىن ايتا كەتكەن ءجون. بۇگىنگى تاڭدا قر قك ااك-دە اتالمىش ۇشاقتىڭ تورتەۋى بار. ءاردايىم ۇشقىشتار مەن ينجەنەرلىك-تەحنيكالىق قۇرامدى جەدەلدەتىپ دايارلاۋ جۇمىستارى جۇرگىزىلەدى, جىلدان-جىلعا قازاق­ستاندىق ۇشقىشتاردىڭ شەبەرلىگى تەك قانا ارتىپ كەلەدى. «ەگەمەن-اقپارات».