اپالى-سىڭلىلىلەردىڭ ايتۋىنشا, ولار باسقا ادامدارمەن سويلەسكەن كەزدە ءجيى ىڭعايسىز جاعدايلارعا تاپ بولىپ قالادى.
«تاكسي شاقىرعان كەزدە نەگىزىنەن ورىس جۇرگىزۋشىلەر كەلەدى. جولاقىسىن تولەيتىن كەزدە ولار نومىرلەرىن ايتىپ باستايدى, ءبىز نە ايتىپ جاتقانىن تۇسىنبەيمىز. ءوزىمىزدى ىڭعايسىز سەزىنىپ, تەلەفونىمىزدى بەرەمىز, سوسىن ولار ءنومىرىن تەرىپ بەرەدى. سول كەزدە جۇرگىزۋشىلەر: «سەن ورىسسىڭ عوي, نەگە تۇسىنبەيسىڭ؟» دەيدى. مەن ورىسشا تۇسىنبەيتىنىمدى تۇسىندىرۋگە تىرىسامىن, كوبىنەسە تاكسي جۇرگىزۋشىلەرى ك ۇلىپ قويادى, بىراق ءبىز مۇنداي ساتتەردە ءوزىمىزدى ىڭعايسىز سەزىنەمىز», دەيدى قىزدار.
البينا مەن كارنەليا دەۆيۆىە قازىرگى تاڭدا ورىس ءتىلىن ۇيرەنىپ جۇرگەندەرىن ايتتى.
«قازىر اقىرىنداپ ورىس ءتىلىن ۇيرەنىپ ءجۇرمىز. وتە ۇزاق ايتىلاتىن سوزدەردى تۇسىنبەي قالامىز. «سەندەر قالاي ورىسشا بىلمەيسىڭدەر؟» دەپ كوپ ادامدار تاڭ قالىپ جاتادى», دەيدى اپالى-سىڭلىلىلەر.
قىزدار بولاشاقتا قانداي ماماندىق يەسى بولعىلارى كەلەتىنىن دە ايتىپ ءوتتى. البينا قالام تەربەگەن جۋرناليست بولعىسى كەلسە, كارنەليا الەۋمەتتىك قىزمەتكەر ماماندىعى بويىنشا ءبىلىم الىپ ءجۇر.
ايتا كەتەيىك, البينا مەن كارنەليا دەۆيۆىە قاراعاندى وبلىسىنداعى قاراكول اۋىلىنان شىققان. ولاردىڭ وتباسى تەك قازاق تىلىندە سويلەيدى.
