پالاتاعا راتيفيكاتسيالىق زاڭ جوبالارىنىڭ توپتاماسىن قاراۋ ۇسىنىلادى.
قازاقستان رەسپۋبليكاسى ۇكىمەتى مەن قىرعىز رەسپۋبليكاسى مينيسترلەر كابينەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ جونىندەگى كەلىسىم 2024 جىلعى 19 ساۋىردە استانا قالاسىندا جاسالدى. بۇل قۇجات ينۆەستيتسيالىق ىنتىماقتاستىق ءۇشىن قولايلى جاعداي جاساۋعا, تىكەلەي شەتەلدىك ينۆەستيتسيالار تارتۋدى ىنتالاندىرۋعا جانە تاراپتار مەملەكەتتەرىنىڭ ەكونوميكالىق ءال-اۋقاتىن جاقسارتۋعا باعىتتالعان.
2007 جىلعى 26 ماۋسىمداعى قازاقستان رەسپۋبليكاسىنىڭ ۇكىمەتى مەن ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ حاتشىلىعى اراسىنداعى حاتشىلىقتىڭ قازاقستان رەسپۋبليكاسىنىڭ اۋماعىندا بولۋى شارتتارى تۋرالى كەلىسىمگە ەنگىزىلەتىن تۇزەتۋلەر جونىندەگى حاتتاما حاتشىلىق قىزمەتكەرلەرىنىڭ مارتەبەسىنە, ازاماتتىعىنا قاراماستان ولاردىڭ جەڭىلدىكتەرى مەن يممۋنيتەتتەرىن كەڭەيتۋگە جانە بولۋ جاعدايلارىن جاقسارتۋعا باعىتتالعان.
تاعى ءبىر كەلىسىمدە امەريكا قۇراما شتاتتارى ۇكىمەتىنە الماتى قالاسىندا اقش كونسۋلدىق مەكەمەسىنىڭ ءۇي-جايلارىن سالۋ ءۇشىن 70 مىڭ شارشى مەتردەن اسا جەر ۋچاسكەسىن 49 جىل مەرزىمگە جالعا بەرۋ ءتارتىبى مەن شارتتارى بەلگىلەنەدى.
