ءماجىلىس سپيكەرى قازىرگى زاماندا حالىقتى ساپالى ءارى قاۋىپسىز ازىق-ت ۇلىكپەن قامتاماسىز ەتۋ جاھاندىق كۇن تارتىبىندەگى وزەكتى پروبلەمانىڭ ءبىرى ەكەنىن اتاپ ءوتتى. بۇل رەتتە قازاقستان ازىق-ت ۇلىك قاۋىپسىزدىگىنە ەرەكشە ءمان بەرىپ, وسى ماسەلەنى شەشۋگە مۇمكىندىگىنشە ءوز ۇلەسىن قوسىپ كەلەدى.
– ازىق-ت ۇلىك قاۋىپسىزدىگىنە مەملەكەتىمىزدىڭ باسشىسى قاسىم-جومارت كەمەل ۇلى جەتە كوڭىل بولەدى. بيىل قاڭتاردا اراب امىرلىكتەرىندە وتكەن «ابۋ ءدابيدىڭ ورنىقتى دامۋ اپتالىعى» سامميتىندە وسى ماسەلەگە ارنايى توقتالىپ ءوتتى. بۇگىندە الەم كليماتتىڭ وزگەرۋى, قۋاڭشىلىق, بيوالۋانتۇرلىلىكتىڭ جويىلۋى, سۋ تاپشىلىعى, ازىق-ت ۇلىك قاۋىپسىزدىگى سەكىلدى اسا وزەكتى پروبلەمالارمەن بەتپە-بەت كەلىپ وتىرعانىن ايتتى. پرەزيدەنت قازاقستاننىڭ اتالعان تۇيتكىلدەردى باستى ءۇش باعىتقا – تسيفرلاندىرۋ مەن جاساندى ينتەللەكت, ءىرى ينفراقۇرىلىمدىق جوبالار جانە يادرولىق ەنەرگەتيكا سالالارىنا نەگىزدەلگەن ستراتەگيا ارقىلى شەشۋگە نيەتتى ەكەنىن جەتكىزگەن ەدى. وسى تۇرعىدا ءبىز پارلامەنتاريلەر رەتىندە پرەزيدەنت باستامالارىن زاڭنامالىق تۇرعىدان قامتاماسىز ەتۋگە دايىن ەكەنىمىزدى مالىمدەيمىز, – دەدى ە.قوشانوۆ.
اڭگىمە بارىسىندا تاراپتار قازىرگى زامانعى سىن-قاتەرلەر مەن تاۋەكەلدەردى ەڭسەرە وتىرىپ, ازىق-ت ۇلىك قاۋىپسىزدىگىن قامتاماسىز ەتۋدىڭ ماڭىزدىلىعىنا باسا ءمان بەردى. بۇل رەتتە ازىق-ت ۇلىك قاۋىپسىزدىگى جونىندەگى يسلام ۇيىمىنىڭ الەۋەتى زور.
بەرىك ارىن ۇيىمنىڭ قازىرگى قىزمەتى تۋرالى اقپارات بەرىپ, الداعى جوسپارلارىمەن ءبولىستى. قازاقستانمەن تىعىز قارىم-قاتىناستا جۇمىس اتقارىلىپ جاتقانىن ايتىپ, بىرلەسكەن جوبالارعا توقتالدى.
بيىل استانادا ازىق-ت ۇلىك قاۋىپسىزدىگى جونىندەگى يسلام ۇيىمىنىڭ باس اسسامبلەياسىنىڭ 7-وتىرىسى ءوتىپ, ۇيىمعا توراعالىق قازاقستانعا وتەدى. سونىڭ اياسىندا جاھاندىق ازىق-ت ۇلىك قاۋىپسىزدىگى ماسەلەسى باعىتىندا ءبىراز جۇمىس اتقارۋ جوسپارلانىپ وتىر.
ەرلان قوشانوۆ قازىرگى گەوساياسي, گەوەكونوميكالىق جانە كليماتتىق جاعدايلاردى, سونداي-اق سۋ رەسۋرستارىن ءتيىمدى پايدالانۋ ماسەلەسىن ەسكەرىپ, ناقتى الەۋمەتتىك-ەكونوميكالىق ماڭىزى بار جوبالارعا نازار اۋدارۋدى ۇسىندى.
بۇعان قوسا ۇيىمنىڭ جوبالىق قىزمەتىنە قاتىستى ماسەلەلەردى ىلگەرىلەتۋ ماقساتىمەن قازاقستاننىڭ اۋىل شارۋاشىلىعى مينيسترلىگىمەن, سونداي-اق ەلىمىزدىڭ عىلىمي مەكەمەلەرى جانە جوعارى وقۋ ورىندارىمەن ىقپالداستىقتى ارتتىرۋدىڭ قاجەتتىلىگى دە ءسوز بولدى.
ازىق-ت ۇلىك قاۋىپسىزدىگى جونىندەگى يسلام ۇيىمى 2013 جىلى قازاقستاننىڭ باستاماسىمەن قۇرىلعانىن ايتا كەتكەن ءجون. قازىر بۇعان 41 مەملەكەت مۇشە.
