فوتو: دەنساۋلىق ساقتاۋ مينيسترلىگىنىڭ ءباسپاسوز قىزمەتى
مەكتەپكە دەيىنگى, ورتا ءبىلىم بەرۋ ۇيىمدارىنداعى بالالاردىڭ اۋىز قۋىسىن پروفيلاكتيكالىق قاراپ-تەكسەرۋ جىل سايىن 2 جاستان 17 جاسقا دەيىن جۇرگىزىلەدى. سوڭعى جىلدارى قازاقستاندا تەكسەرىلگەن 10 بالانىڭ 7-ۋىنە تىسجەگى بار تىستەر دياگنوزى قويىلعان.
وسىعان بايلانىستى, بىلتىر دەنساۋلىق ساقتاۋ مينيسترلىگى 2024-2028 جىلدارعا ارنالعان «بولاشاققا – ساۋ تىسپەن» مەكتەپ جاسىنداعى بالالاردىڭ ستوماتولوگيالىق اۋرۋلارىنىڭ پروفيلاكتيكاسىن جەتىلدىرۋ جونىندەگى جول كارتاسىن بەكىتكەن.
دەنساۋلىق ساقتاۋ مينيسترلىگىنىڭ مالىمەتىنشە مەكتەپتەردە 145 ستوماتولوگيالىق كابينەت جۇمىس ىستەيدى, 2025 جىلى تاعى 195 ستوماتولوگيالىق اۋرۋلاردىڭ پروفيلاكتيكاسى كابينەتىن اشۋ جوسپارلانىپ وتىر.
بۇگىندە ەلىمىزدىڭ مەكتەپ ۇيىمدارىندا ستوماتولوگيالىق اۋرۋلاردىڭ پروفيلاكتيكاسى بويىنشا فوتو جانە بەينەماتەريالداردى, وقۋشىلارعا ارنالعان اۋىز قۋىسىنىڭ گيگيەناسى ساباقتارىن, ستوماتولوگ دارىگەرلەرگە, دانتيستەرگە جانە ستوماتولوگيالىق گيگيەنيستەرگە ارنالعان عىلىمي-پراكتيكالىق كونفەرەنتسيالاردى پايدالانا وتىرىپ, كەڭ اۋقىمدى سانيتاريالىق-اعارتۋ جۇمىستارى جۇرگىزىلىپ جاتىر.
