ءىس-شاراعا اگەنتتىك توراعاسى دارحان جازىقباي, پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ ءتورايىمى سنەجاننا يماشەۆا, پارلامەنت ءماجىلىسىنىڭ دەپۋتاتتارى قاتىستى.
كوشپەلى وتىرىستا دارحان جازىقباي پرەزيدەنتتىڭ تاپسىرماسىنا سايكەس مەملەكەتتىك قىزمەت جۇيەسىن كەشەندى جاڭعىرتۋ ماقساتىندا جۇزەگە اسىرىلىپ جاتقان اگەنتتىكتىڭ باستامالارىنا توقتالدى. ول ازاماتتاردىڭ سۇرانىستارىنا جاۋاپ بەرەتىن سەرۆيستىك مەملەكەتتىك اپپاراتتى قالىپتاستىرۋدى ودان ءارى زاڭنامالىق تۇرعىدان جەتىلدىرۋ بارىسى تۋرالى ايتتى.
اگەنتتىك توراعاسى «قازاقستان رەسپۋبليكاسىنىڭ مەملەكەتتىك قىزمەتى تۋرالى» جاڭا زاڭ جوباسى قازىرگىدەي تەك ەڭبەك قاتىناستارىن ياعني, مەملەكەتتىك قىزمەتكە كىرۋ, وتكەرۋ جانە ونى توقتاتۋ ماسەلەلەرىن رەتتەۋمەن شەكتەلمەي, ەڭ باستىسى مەملەكەتتىك قىزمەتشىلەردىڭ مىنەز-قۇلقىنىڭ ادامعا باعدارلانعان ۇلگىسىن بەكىتۋدى كوزدەيتىنىن اتاپ ءوتتى.
جاڭا زاڭ جوباسىندا مەريتوكراتيا قاعيداتتارىن ىلگەرىلەتۋ, بوس لاۋازىمدارعا ىرىكتەۋ مەن تاعايىنداۋدىڭ اشىقتىعىن قامتاماسىز ەتۋ, تالانتتاردى ىزدەۋ جانە جاستاردى مەملەكەتتىك قىزمەتكە ەرتە كاسىپتىك باعدارلاۋ, قىزمەتشىلەردى كاسىبي دامىتۋدىڭ جاڭا تەتىكتەرىن ەنگىزۋ جوسپارلارى قاراستىرىلعان. سونداي-اق مەملەكەتتىك قىزمەتتەگى ينستيتۋتسيونالدىق ساباقتاستىقتى نىعايتۋ, مەملەكەتتىك قىزمەتشىلەرگە الەۋمەتتىك كەپىلدىكتەردى جاقسارتۋ شارالارى دا قامتىلعان.
دارحان جازىقباي باعالاۋ, وقىتۋ جانە تاعىلىمداما ناتيجەلەرىن ەسكەرە وتىرىپ, ءبىر لاۋازىم شەڭبەرىندە «ب» كورپۋسى قىزمەتشىلەرىنە كلاسس تاعايىنداۋ ارقىلى كولدەنەڭ ءوسۋ تەتىگى ەنگىزىلەتىنىن اتاپ ءوتتى. زاڭ جوباسىندا مەملەكەتتىڭ قىزمەتتەگى كادرلىق ىرىكتەۋدى ەداۋىر كەڭەيتۋ ءۇشىن ىشكى كونكۋرستاردى الىپ تاستاۋ كوزدەلىپ وتىر.
ءىس-شارادا مەملەكەتتىك قىزمەتشىلەرگە مەملەكەت پەن قوعامنىڭ مۇددەلەرىن قورعاۋ قاجەتتىلىگى تۋىنداعان جاعدايدا جاۋاپكەرشىلىكپەن باسقارۋشىلىق شەشىمدەر قابىلداۋعا مۇمكىندىك بەرەتىن نورمالاردى زاڭ جوباسىنا ەنگىزۋ ماقساتى قويىلعانى ايتىلدى.
وتىرىسقا قاتىسۋشىلار مەملەكەتتىك اپپارات قىزمەتكەرلەرىنىڭ كاسىبيلىگىن شىڭداۋدىڭ نەگىزگى تاسىلدەرىن, كادر ساياساتىنىڭ تيىمدىلىگىن ارتتىرۋ ماسەلەلەرىن تالقىلادى.
ءماجىلىس دەپۋتاتتارى جاڭا زاڭ جوباسىنا قاتىستى ناقتى ۇسىنىستارى مەن پىكىرلەرىن ورتاعا سالىپ, مەملەكەتتىك قىزمەتتىڭ تيىمدىلىگىن ارتتىرۋ زامان تالابى ەكەنىنە نازار اۋداردى.
سونىمەن قاتار, كوشپەلى وتىرىس اياسىندا دەپۋتاتتار «eQyzmet» جۇيەسىنىڭ فۋنكتسيونالدىق مۇمكىندىكتەرىمەن تانىستى. مەملەكەتتىك قىزمەتكە ىرىكتەۋدىڭ جاڭا ونلاين جۇيەسى ۇمىتكەرلەر وزىنە قولايلى كەز-كەلگەن ۋاقىتتا كونكۋرستىق ىرىكتەۋدىڭ تەستتەرىن تاپسىرۋعا مۇمكىندىك بەردى. تيىمدىلىگىن كورسەتكەن جاڭا ىرىكتەۋ فورماتىنا جىل سوڭىنا دەيىن ەلىمىزدەگى بارلىق مەملەكەتتىك ورگاندار قوسىلادى.
ىشكى كادرلىق پروتسەستەردى تسيفرلاندىرۋ, ياعني قىزمەتكە قابىلداۋدان باستاپ, ونى وتكەرۋ, ەڭبەك دەمالىستارىنا جىبەرۋ جانە وزگە دە قىزمەتتىك وتىنىشتەردى اۆتوماتتاندىرۋ جۇمىسى تانىستىرىلدى. بۇل كادرلىق قۇجات اينالىمىنداعى قاعازباستىلىقتان ارىلىپ, قۇجاتتاردى راسىمدەۋ ءتارتىبىن جەڭىلدەتتى. ەلەكتروندىق جەكە ىستەر نەگىزىندە «ا» كورپۋسى مەن ساياسي لاۋازىمدارعا تاجىريبەسى مەن بىلىكتىلىگى ساي كانديداتتاردىڭ تىزبەسىن جاساقتاپ, مەملەكەتتىك قىزمەتشىلەر رەيتينگىن قالىپتاستاراتىن جاڭا تسيفرلىق شەشىمنىڭ مۇمكىندىكتەرىنە ەرەكشە نازار اۋدارىلدى.
بۇدان بولەك, ءماجىلىس دەپۋتاتتارىنا مەملەكەتتىك قىزمەتتەگى كادرلاردىڭ كوممۋنيكاتسيالىق داعدىلارىن شىڭدايتىن وزىق يننوۆاتسيالىق تەحنولوگيالارمەن جابدىقتالعان ارنايى مەديا-ستۋديانىڭ قىزمەتى كورسەتىلدى.
