سۋرەتتەردى تۇسىرگەن – ەرلان ومار, «EQ»
ەلوردادا «قارا شاڭىراق» قوعامدىق بىرلەستىگىنىڭ ۇيىمداستىرۋىمەن جانە استانا قالاسى اكىمدىگىنىڭ تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن ەلوردالىق جاس وتباسىلار اراسىندا ءداستۇرلى «قازاعىمنىڭ داستۇرلەرى-اي» ۇلتتىق-ەتنوگرافيالىق سايىسى ءوتتى.
تاربيەلىك ءمانى مول ءىس-شارانىڭ ماقساتى – قازاق حالقىنىڭ سالت-داستۇرلەرى مەن ادەت-عۇرىپتارىن زامان تالابىنا ساي جاڭعىرتۋ, جاستار اراسىندا ناسيحاتتاۋ, وتباسىلىق قۇندىلىقتاردى دارىپتەۋ جانە جاس وتباسىلاردىڭ قوعامدىق بەلسەندىلىگىن ارتتىرۋ.
ءىس-شارادا استانا قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ سايىستىڭ ماڭىزىن اتاپ ءوتتى.
– بيىل مەملەكەت باسشىسىنىڭ قولداۋىمەن ناۋرىزناما ونكۇندىگى قارساڭىندا ءتۇرلى شارالار جۇزەگە اسىرىلىپ وتىر. بۇرىن ناۋرىزدى ەكى-ءۇش كۇن تويلايتىن بولساق, بۇگىندە ون كۇن تويلاپ ءجۇرمىز. قازاقتىڭ دۇنيەتانىمىن اشاتىن ماعىنالى مەرەكەلەر ورىن الىپ, ەلىمىزدىڭ ءداستۇر-ايشىعىن, ۇلتتىق كيىمىن, قورشاعان ورتاعا جاناشىرلىعىن كورسەتىپ, يگى باستامالار قولعا الىنىپ وتىر. استانا كولەمىندە 200-گە جۋىق ءىس-شارا اتالىپ ءوتىلىپ جاتىر. بۇگىنگى «قازاقتىڭ داستۇرلەرى-ايى» – جان-جاقتى ناسيحاتتالىپ, بۇعان دەيىن تانىلعان ءىس-شارا. سايىسقا كوپتەگەن ءوتىنىم قابىلدانىپ, اراسىنان 8 وتباسى ىرىكتەلىپ الىندى. بارشا قاتىسۋشىعا ساتتىلىك تىلەيمىز, قازاقتىڭ ءداستۇرى جاڭعىرا بەرسىن, – دەدى ساكەن زيابەك ۇلى.
بايقاۋ قورىتىندىسى بويىنشا باس جۇلدە – سادۋاقاس اۋلەتىنە بۇيىرسا, ءى ورىن – ۇلىقپان ۇلى وتباسى, ءىى ورىن – احەت اۋلەتى, ءىىى ورىندى – زياحان ۇلى وتباسى يەلەندى. «ونەرلى وتباسى» اتالىمىن نۇعمان اۋلەتى, «داستۇرگە بەرىك وتباسى» بولىپ – سۇلتان اۋلەتى تانىلدى, «ونەگەلى وتباسىن» – شاياحمەت اۋلەتى, «كورەرمەن كوزايىمىن» گابدۋش اۋلەتى قانجىعالادى.
