كەشە استاناداعى ۇلتتىق مۋزەيدىڭ ءباسپاسوز ورتالىعىندا «كازاحستانسكايا پراۆدا» گازەتىنىڭ قولداۋىمەن جارىق كورگەن «سۆەت پوبەدى» كىتابىنىڭ تۇساۋكەسەرى ءوتتى. اتالمىش شاراعا ۇلتتىق ۇلان باس قولباسشىسىنىڭ ورىنباسارى, پولكوۆنيك مۇحامەدقالي ساتوۆ, «كازاحستانسكايا پراۆدا» رەسپۋبليكالىق گازەتى» اق باسقارما توراعاسى الەكساندر تاراكوۆ, «ەگەمەن قازاقستان» رەسپۋبليكالىق گازەتى» اق-تىڭ ۆيتسە-پرەزيدەنتى-باس رەداكتور جانبولات اۋپباەۆ, قازاقستان رەسپۋبليكاسى ۇلتتىق مۋزەيىنىڭ ديرەكتورى دارحان مىڭباي جانە ۇلى وتان سوعىسىنىڭ ارداگەرلەرى مەن باق وكىلدەرى قاتىستى.
«سۆەت پوبەدى» كىتابىنا «كازاحستانسكايا پراۆدا» گازەتىندە ۇلى وتان سوعىسىنا قاتىسقان ايتۋلى تۇلعالار مەن تىل ەڭبەككەرلەرىنىڭ ەرلىكتەرى جانە ەلىمىزدىڭ بۇگىنگى قارۋلى كۇشتەرىنىڭ الەۋەتى جونىندە جاريالانعان ماتەريالدار توپتاستىرىلىپتى. جەڭىستىڭ 70 جىلدىعىنا وراي شىعارىلعان بۇل ەڭبەكتىڭ تۇساۋكەسەر راسىمىندە «كازاحستانسكايا پراۆدا» گازەتىنىڭ باسشىسى الەكساندر تاراكوۆ: «ءبىز بۇل كىتاپتى شىعارۋ ارقىلى جەڭىمپاز ارداگەرلەرىمىزگە دەگەن قۇرمەتىمىزدى بىلدىرگىمىز كەلدى. «كازاحستانسكايا پراۆدا» باسىلىمى 2004 جىلدان باستاپ 1941-1945 جىلدار ارالىعىنداعى سوعىس كەزىندە مايداندا جانە تىلدا ەرلىگىمەن تانىلعان قازاقستاندىقتار جونىندە ۇزبەي جازىپ كەلەدى. ءبىزدىڭ جۋرناليستەرىمىز بۇل باعىتتاعى جۇمىستارىن ءوز ەرىكتەرىمەن جالعاستىرا بەرەدى. ءويتكەنى, ارداقتى ارداگەرلەرىمىزدىڭ ونەگەلى جولىن, ەرلىكتى ىستەرىن كەلەر ۇرپاق ءبىلىپ ءوسۋى قاجەت», دەدى.
بۇدان كەيىن ءسوز العان ۇلتتىق مۋزەيدىڭ ديرەكتورى دارحان مىڭباي, ۇلتتىق ۇلان باس قولباسشىسىنىڭ ورىنباسارى, پولكوۆنيك مۇحامەدقالي ساتوۆ, «كازاحستانسكايا پراۆدا» گازەتىنىڭ باس رەداكتورى تاتيانا كوستينا جانە سوعىس ارداگەرلەرى جاڭا كىتاپ جونىندە وزدەرىنىڭ جىلى لەبىزدەرىن ءبىلدىردى.
ءوز كەزەگىندە تاتيانا كوستينا الداعى ۋاقىتتا اتالمىش كىتاپتىڭ جالعاسىن شىعارۋ قاجەتتىگىنە نازار اۋداردى. ال مۇحامەدقالي ساتوۆ ارداگەرلەردى جەڭىستىڭ 70 جىلدىعىمەن قۇتتىقتاي وتىرىپ, تۇساۋى كەسىلگەن جاڭا كىتاپتاعى قۇندى دەرەكتەردىڭ ماڭىزدىلىعىن ءسوز ەتتى. سونداي-اق, ول وسى ەڭبەكتى ۇلتتىق ۇلان ساربازدارىنا مىندەتتى تۇردە تانىستىراتىنىن جەتكىزدى.
شارا بارىسىندا «كازاحستانسكايا پراۆدا» گازەتىنىڭ وقىرماندارىن كوبەيتۋ ماقساتىندا ۇيىمداستىرىلعان «سەنىڭ تۇركياعا جولداماڭ» اتتى اكتسيانىڭ قورىتىندىسى شىعارىلدى.
تاعى ءبىر توقتالا كەتەر جايت, وسى كۇنى «كازپراۆدا» رەداكتسياسىنىڭ عيماراتىندا گازەتتىڭ ۇلى وتان سوعىسىندا قازا تاپقان جۋرناليستەرىنە ارنالعان ەسكەرتكىش تاقتا اشىلدى.
جيىن بارىسىندا بەلگىلى بولعانداي, سوعىس كەزىندە بۇل باسىلىمنىڭ 8 ءجۋرناليسى وتان ءۇشىن جانىن بەرىپتى.
باسىلىم باسشىسى الەكساندر تاراكوۆ: «سوعىس كەزىندە ءبىزدىڭ گازەتىمىز «بوەۆوي توۆاريشش ي درۋگ» دەگەن اتپەن شىققان ەكەن. الاساپىران باستالعان العاشقى كۇننەن گازەت بەتىندە حالقىمىزدىڭ باسقىنشىلارعا قارسى جانقيارلىق كۇرەسى تۋرالى ماقالالار, وچەركتەر, رەپورتاجدار ۇزدىكسىز جاريالانعان. ونداعى ءاربىر ماتەريال ەلدىڭ ەرىك-جىگەرىن جانىپ, جەڭىسكە دەگەن قۇلشىنىستى ارتتىرۋمەن بولدى. «كازاحستانسكايا پراۆدانىڭ» كوپتەگەن قىزمەتكەرلەرى مايدانعا اتتاندى. ولار قايتىپ ورالمادى. ءبىزدىڭ گازەتتىڭ ۇجىمى سول ءبىر اياۋلى جانداردى ەشقاشان ۇمىتپايدى», دەدى.
ايتا كەتەيىك, بۇل ەسكەرتكىش تاقتانىڭ اشىلۋ سالتاناتىنا لەونيد كارتاۋزوۆ, مويسەي گولدبەرگ جانە قادان بەكەنوۆ سىندى ارداگەرلەر قاتىسىپ, وتكەن شاقتان سىر تارتىپ, تاربيەلىك ءمانى زور, كوڭىل تولقىتار ەستەلىكتەر ايتىپ بەردى. سونداي-اق, ولار «كازاحستانسكايا پراۆدا» گازەتىنىڭ كەشەگى سوعىستا ەرلىكپەن قازا تاپقان جۋرناليستەرىنە كورسەتكەن قۇرمەتتەرى ءۇشىن رەداكتسيا ۇجىمىنا العىستارىن ءبىلدىردى.
جولدىباي بازار,
«ەگەمەن قازاقستان».
سۋرەتتەردى تۇسىرگەن
ەرلان وماروۆ.
