«2025 جىلدىڭ 17 ناۋرىز كۇنى مەركى اۋداندىق ورتالىق اۋرۋحاناسىنىڭ جۇقپالى اۋرۋلار بولىمىنە مەركى اۋىلى ويتال ۋچاسكەسى «نۇراي» بوبەكجاي باقشاسىنىڭ 10 تاربيەلەنۋشىسى كەلىپ تۇسكەن. ونىڭ ىشىندە 9 جاعداي ءجىتى ىشەك ينفەكتسياسى, 1 جاعداي ەنتەروۆيرۋستى ينفەكتسيا دياگنوزىمەن تىركەلگەن. 1 ءجاسوسپىرىم جانساقتاۋ بولىمىنە اۋىستىرىلعان, جاعدايى بىرقالىپتى (وڭ ناتيجەلەر بايقالۋدا). وسىعان بايلانىستى وبلىس اكىمى ەربول قاراشوكەەۆتىڭ تاپسىرماسىنا سايكەس جۇمىسشى توپ قۇرىلىپ, ءار بالانىڭ جاعدايىمەن تانىسىپ, ورىن العان جاعداي زەردەلەنۋدە. اۋرۋدىڭ نەدەن شىققانى انىقتالۋدا.
قازىرگى تاڭدا اۋرۋحانادا قوسىمشا توسەك ورنى قاجەتىلىككە بايلانىستى دايىن. ءدارى-دارمەك قورى جەتكىلىكتى. بۇگىنگى كۇنگە مەركى اۋداندىق سانيتاريالىق-ەپيدەميولوگيالىق باقىلاۋ باسقارماسىمەن تەكسەرۋ جۇمىستارى باستالىپ, بارلىق سىنامالار الىنعان, قورىتىندىسى كۇتىلۋدە.
اتالعان بوبەكجاي جۇمىسى زالالسىزداندىرۋ جۇمىستارىن جۇرگىزۋ ءۇشىن ەكى تاۋلىككە توقتاتىلىپ, اتا انالارعا ەسكەرتىلدى», دەلىنگەن وبلىس اكىمدىگىنىڭ ءباسپاسوز قىزمەتى تاراتقان اقپاراتتا.
رەسمي دەرەككە سەنسەك, قازىرگى كەزدە قۇزىرلى ورگان قىزمەتكەرلەرى ارنايى تەكسەرۋ جۇمىسىن جۇرگىزىپ جاتقان كورىنەدى. ناتيجەسىنە سايكەس ءتيىستى شەشىم قابىلدانباق.
