فوتو: ارتەم چۋرچينوۆ
ونىڭ ايتۋىنشا, بۇل جاڭا جۇمىس ورىندارىن اشىپ, ينۆەستيتسيا تارتىپ قانا قويماي, ۇلتتىق شىعارماشىلىق ەكونوميكانىڭ جاھاندىق باسەكەگە قابىلەتتىلىگىن قامتاماسىز ەتەدى.
«بۇل باعىتتا ءبىز قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ 421 ستۋدەنتىنە وقۋ باعدارلاماسىن ۇيىمداستىردىق. ەندىگى كەزەكتە باتىس قازاقستان وبلىسىندا 200 كرەاتيۆتى مامان دايىندايمىز. سونىمەن قاتار ءبىز ءوزىمىز شوعىرلانعان وڭىرلەردە كرەاتيۆتى ماماندىقتار كارتاسىن ازىرلەپ, جەرگىلىكتى جەردىڭ سۇرانىسىنا ساي جۇمىس ىستەۋدى ماقسات ەتىپ وتىرمىز. وسى تاجىريبەنى باسقا ايماقتار ءۇشىن دە پايدالانۋعا ءازىرمىز. كرەاتيۆتى كادرلار دايارلاۋ باعدارلاماسىن ءبىلىم بەرۋ جۇيەسىنىڭ ءار دەڭگەيىندە ەنگىزۋ ەرەكشە ماڭىزعا يە. پسيحولوگتار بالالاردى كاسىپتىك باعدارلاۋ 5 جاستان باستالۋى كەرەكتىگىن ايتادى. سوندىقتان كرەاتيۆتى ءبىلىم بەرۋدى ورتا, كاسىپتىك جانە جوعارى ءبىلىم بەرۋ سالالارىمەن قاتار, قىسقا مەرزىمدى كۋرستاردىڭ تىزىمىنە قوسۋ قاجەتتىگى تۋىنداپ وتىر», دەپ اتاپ ءوتتى ماقپال جۇماباي.
