سۋرەت: dknews.kz
بۇرىن ادۆوكاتتار, نوتاريۋستار, سوت ساراپشىلارى مەن جەكە سوت ورىنداۋشىلارى بۇل قىزمەتتى الۋ ءۇشىن بىرنەشە كۇن كۇتۋگە ءماجبۇر بولسا, ەندى ءوتىنىش اۆتوماتتى تۇردە وڭدەلىپ, دايىن قۇجات قىزمەت الۋشىنىڭ «جەكە كابينەتىنە» جىبەرىلەدى.
اگەنتتىكتىڭ ۇسىنىمدارى اياسىندا بۇل ۇدەرىستەر تولىق اۆتوماتتاندىرىلىپ, اقپاراتتىق جۇيەلەر ينتەگراتسيالاندى. سونىڭ ناتيجەسىندە قاعازباستىلىق جويىلىپ, بۇرىن تالاپ ەتىلەتىن قوسىمشا قۇجاتتاردى ۇسىنۋ قاجەتتىلىگى الىنىپ تاستالدى. اتى-ءجونىن وزگەرتكەن تۇلعالار تۋرالى مالىمەتتەر اۆتوماتتى تۇردە تەكسەرىلىپ, ناتيجە قىزمەتكەرلەردىڭ ارالاسۋىنسىز بەرىلەدى. وسىلايشا, ليتسەنزيالاردى قايتا راسىمدەۋ ۋاقىتى 98,6%-عا قىسقارىپ, قىزمەت كورسەتۋ ۇدەرىسى ايتارلىقتاي جەڭىلدەتىلدى.
قىزمەت الۋ ۇدەرىسىندەگى بۇل جاڭاشىلدىق مەملەكەتتىك قىزمەتتەردى جەتىلدىرۋگە باعىتتالعان كەشەندى جوسپار اياسىندا جۇزەگە اسىرىلىپ وتىر. جوسپاردا 492 شارا قاراستىرىلىپ, ونىڭ ىشىندە 141 قىزمەتتى تولىق ەلەكتروندىق فورماتقا كوشىرۋ, ال 82 قىزمەتتى اۆتوماتتاندىرۋ كوزدەلگەن.
