القالى جيىن تۇلعانىڭ تاريح عىلىمىنىڭ دامۋىنا, الاش قوزعالىسى تاريحىن زەرتتەۋگە قوسقان ۇلەسىن جانە ونىڭ ءومىرى مەن قىزمەت جولىن تەرەڭىرەك تانىستىرىپ, ناسيحاتتاۋدى ماقسات ەتەدى. ءىس-شارا اياسىندا كىتاپحانادا «كەڭەس نۇرپەيىس ۇلى – 90 جىل» اتتى كىتاپ كورمەسى ۇيىمداستىرىلدى. رۋحاني جيىنعا مودەراتورلىق ەتكەن مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان عالىمنىڭ حح عاسىرداعى الاش تاريحىن زەرتتەۋگە قوسقان ۇلەسىنە جان-جاقتى توقتالدى.
سونداي-اق ۇلتتىق اكادەميالىق كىتاپحانانىڭ باسشىسى كۇمىس سەيىتوۆا 2017 جىلى كىتاپحانا قورىنا قايراتكەردىڭ تۋىستارى جەكە كىتاپحاناسىنان 3 193 دانا كىتاپ سىيعا تارتقانىن, بارلىق ەڭبەگى ەلەكتروندىق كاتولوگكە ەنگىزىلگەنىن ايتىپ, دوڭگەلەك ۇستەل جۇمىسىنا ساتتىلىك تىلەدى.
ونلاين جانە وففلاين فورماتىنداعى ءىس-شارانى اكادەميالىق كىتاپحانا مەملەكەت تاريحى ينستيتۋتىمەن بەرلەسىپ وتكىزگەنىن ايتا كەتكەن ءجون.
جيىن بارىسىندا الاشوردا ۇكىمەتىنىڭ قالىپتاسۋى, تاريحي جاد جانە كەڭەس نۇرپەيىس ۇلىنىڭ عىلىمي مۇراسى, حح عاسىرداعى قازاقستان تاريحىن زەرتتەۋدەگى قازىرگى ۇستانىمدار تاقىرىپتارى كەڭىنەن تالقىلاندى. دوڭگەلەك ۇستەلگە ونلاين قاتىسقان قىرعىز رەسپۋبليكاسى ديپلوماتيالىق اكادەمياسىنىڭ ۆيتسە-پرەزيدەنتى زاينيدين قۇرمانوۆ, مىرزا ۇلىقبەك اتىنداعى وزبەكستان ۇلتتىق ۋنيۆەرسيتەتىنىڭ پروفەسسورى زاميرا يشانحودجاەۆا, PhD رافيس اباسوۆ جانە وتاندىق عالىمدار سانالى عۇمىرىن ۇلت تاريحىنا, الاش قايراتكەرلەرىنىڭ تۇلعاسىن تەرەڭ زەرتتەۋگە ارناعان كورنەكتى عالىمنىڭ عىلىمي جانە تۇلعالىق بولمىسىنا توقتالدى.
دوڭگەلەك ۇستەلگە مەملەكەت تاريحى ينستيتۋتىنىڭ عىلىمي قىزمەتكەرلەرى, جوعارى وقۋ ورىندارىنىڭ پروفەسسورلىق وقىتۋشىلار قۇرامى, دوكتورانتتار, ماگيسترانتتار, ستۋدەنتتەر, كىتاپحاناشىلار مەن باق وكىلدەرى قاتىستى.
