فوتو: Oqu-agartu ministrligi
ءساۋىر ايىنان باستاپ وقۋشىلاردىڭ كاسىپتىك باعدارلانۋى بويىنشا ورتا ءبىلىم بەرۋ پەداگوگتەرىنىڭ بىلىكتىلىكتەرىن ارتتىرۋ كۋرستارى باستالادى. 2025 جىلى 805 پەداگوگتى وقىتۋ جوسپارلانىپ وتىر.
كۋرستار شەڭبەرىندە ولاردىڭ كاسىبي جانە تۇلعالىق قاسيەتتەرىن دامىتا وتىرىپ, زاماناۋي الەمدىك تەندەنتسيالاردى زەرتتەۋىنە, كاسىپتىك باعدار بەرۋدىڭ ءتۇرلى ادىستەرى مەن فورماتتارىن يگەرۋىنە مۇمكىندىك بەرىلەدى. باعدارلامادا پراكتيكالىق ساباقتار, تالقىلاۋلار, كەيستەردى تالداۋ جانە كوشپەلى سەمينارلار قامتىلادى.
«كاسىپتىك باعدارلاۋدىڭ نەگىزگى مىندەتتەرىنىڭ ءبىرى – جوعارى سىنىپ وقۋشىلارىنىڭ ءارتۇرلى كاسىپتەر تۋرالى اقپاراتتى سىني تۇرعىدان قابىلداۋى مەن تالداۋ داعدىلارىن قالىپتاستىرۋ. بولاشاق ماماندىقتى سانالى تۇردە تاڭداۋ وقۋشىلارعا اكادەميالىق ۇلگەرىمدى ارتتىرۋعا كومەكتەسەدى. سونىمەن قاتار كاسىپتىك باعدارلاۋ ويىندارى, شەبەرلىك سىنىپتارى مەن ترەنينگتەر وقۋشىلاردىڭ كوممۋنيكاتيۆتى, اناليتيكالىق جانە شىعارماشىلىق داعدىلارىن دامىتۋعا مۇمكىندىك بەرەتىن سۇرانىسقا يە قۇرالدارعا اينالىپ وتىر. وسى ادىستەردىڭ بارلىعىن پەداگوگتەر كۋرس شەڭبەرىڭندە ۇيرەنەدى», دەپ اتاپ ءوتتى «ورلەۋ» باسقارماسىنىڭ توراعاسى ايدانا شيليبەكوۆا.
وقىتۋعا وتاندىق جانە حالىقارالىق جەتەكشى ساراپشىلار قاتىسادى. كۋرس باعدارلاماسى 3 اپتاعا ارنالعان, سودان كەيىن مۇعالىمدەر بىلىكتىلىكتى ارتتىرۋ سەرتيفيكاتتارىن الادى. ول جىل سوڭىنا دەيىن ىسكە اسىرىلاتىن بولادى.
