ەر-ريادتاعى كەزدەسۋدە ساۋد ارابياسى ۇوك باس حاتشىسىنىڭ كەڭسە ديرەكتورى ناسسەر مۋنير, سول مەملەكەتتىڭ بوكس فەدەراتسياسىنىڭ پرەزيدەنتى ابدۋللا الاربي, World Boxing ۇيىمىنىڭ باس حاتشىسىنىڭ مىندەتىن اتقارۋشى مايك ماكاتتي جانە قازاقستان ۇوك باس حاتشىسى ءالىمجان اقاەۆ بوس قوستى.
ساۋد ارابياسىنىڭ بوكس فەدەراتسياسى World Boxing ۇيىمىنا قوسىلعانىن راستادى. كەزدەسۋ بارىسىندا تاراپتار وليمپيادالىق بوكستىڭ بولاشاعىن, ونىڭ ىشىندە 2028 جىلى لوس-اندجەلەستە وتەتىن وليمپيا ويىندارىنداعى مارتەبەسىن, سونداي-اق, بۇل سپورت ءتۇرىن قولداۋداعى ساۋد ارابياسىنىڭ ءرولىن تالقىلادى.
سونىمەن قاتار جاقىندا بوكستىڭ باحرەين-2025 جاسوسپىرىمدەر اراسىنداعى ازيا ويىندارىنا ەنگىزىلۋى دە نەگىزگى تاقىرىپتاردىڭ ءبىرى بولدى. گەننادي گولوۆكيننىڭ بۇل باستاماسى ايماقتىق دەڭگەيدە جانە Asian Boxing كونفەدەراتسياسىندا كەڭىنەن قولداۋ تاپتى. بۇدان بولەك, بوكستى يسلام ىنتىماقتاستىعى ويىندارىنىڭ باعدارلاماسىنا قوسۋ مۇمكىندىگى قاراستىرىلدى.
