ءىس-شارانىڭ ماقساتى – ۇلتتىق مادەنيەت پەن ونەردىڭ وزىق ءداستۇرىن جاڭعىرتۋ جانە دامىتۋ, قازاق حالقىنىڭ باي مادەني مۋزىكالىق مۇراسىن ناسيحاتتاۋ, قاتىسۋشىلاردىڭ كاسىبي شەبەرلىگىن ارتتىرۋ, جاستارعا پاتريوتتىق تاربيە بەرۋ, ۇلتتىق جانە الەمدىك مادەنيەت قۇندىلىقتارىنا باۋلۋ.
اتالعان بايقاۋ 6 نوميناتسيا بويىنشا جۇرگىزىلەدى. اتاپ ايتساق, «دومبىرا», «قوبىز», «پريما قوبىز», «شەرتەر», «جەتىگەن», «سىبىزعى» نوميناتسيالارى بار.
بايقاۋعا 18 جاستان 35 جاسقا دەيىنگى رەسپۋبليكالىق جانە حالىقارالىق بايقاۋلاردىڭ, تەلەۆيزيالىق كونكۋرستاردىڭ جەڭىمپازدارى مەن قازاقستان رەسپۋبليكاسىنىڭ مادەنيەت جانە ونەر سالاسىنداعى وقۋ ورىندارىنىڭ ستۋدەنتتەرى قاتىسا الادى.
