پاۆلودار وبلىسى ۆەتەريناريا باسقارماسىنىڭ بۇرىنعى باسشىسى ايدار ۋۆاليەۆ مەملەكەتتىك ساتىپ الۋ كونكۋرستارىنان اقشا جىمقىرۋدىڭ ءتۇرلى ايلا-شارعىلارىن ويلاپ تاپقان. ەكىباستۇزدىڭ اۋىلدىق ايماعىنداعى مال قورىمدارىن تازالاۋ قىزمەتىن ويلاپ تاۋىپ, ويناتىلعان كونكۋرستا جالعان فيرما جەڭىپ شىققان. ءسويتىپ تەندەردەن ۇتىپ العان قاراجاتتان ۋۆاليەۆتىڭ شوتىنا 1,5 ملن تەڭگە اۋدارعان. فيرما تازالىق جۇمىسىمەن اينالىسپاعان, ونى جەرگىلىكتى ۆەتەرينارلار اتقارىپ كەلگەن. ول بۇل قاراجاتقا نەسيەسىن جاپتىم دەپ اقتالعان.
ال شەنەۋنىككە تاعىلعان تاعى ءبىر ايىپ – ول قاراماعىنداعىلارعا سىياقى جازىپ بەرىپ, ونىڭ جارتىسىن ءوزى الىپ وتىرعان. وسىلايشا 780 مىڭ زاڭسىز تابىس تاپقان.
اتالعان دەرەكتەر بويىنشا ا.ۋۆاليەۆكە قاتىستى قىلمىستىق ءىز قوزعالعان بولاتىن.
پاۆلودار قالاسىنىڭ قىلمىستىق ىستەر جونىندەگى اۋدانارالىق سوتى وڭىرلىك ۆەتەريناريا باسقارماسىنىڭ بۇرىنعى باسشىسى ايدار ۋۆاليەۆكە قاتىستى قوزعالعان قىلمىستىق ءىستىڭ نۇكتەسىن قويدى.
– ايدار ۋۆاليەۆ قر قىلمىستىق كودەكسىنىڭ 361-بابى, 1-بولىگى بويىنشا كىنالى دەپ تانىلدى جانە ءبىر جىلعا باس بوستاندىعىن شەكتەۋ جازاسى تاعايىندالدى. ءارى ول مەملەكەتتىك قىزمەتتە ەڭبەك ەتۋ قۇقىعىنان ءومىر بويىنا ايرىلدى, – دەپ حابارلادى قالالىق سوتتان.
