جوبالار اۋقىمى كەڭەيەدى

ەلباسى نۇرسۇلتان نازارباەۆ «شەلل» كونتسەرنىنىڭ اتقارۋشى باس ديرەكتورى بەن ۆان بەردەندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا كومپا­نيانىڭ قازاقستانداعى جۇمىسى جانە ەلىمىزدىڭ مۇناي-گاز سالاسىن دامىتۋعا قاتىسۋى ماسەلەلەرى تالقىلاندى. سونداي-اق, ىنتىماقتاستىقتىڭ ءتۇرلى ينۆەستيتسيالىق جوبالاردى جۇزەگە اسىرۋ ماسەلەسىن قامتيتىن پەرسپەكتيۆالى باعىتتارى دا ءسوز بولدى. تاراپتار ءوزارا ءىس-قيمىل ايا­سىن ودان ءارى جانداندىرۋ مەن كەڭەي­تۋدىڭ ماڭىزدىلىعىن اتاپ ءوتتى. قازاقستان پرەزيدەنتى كومپانيا قىزمەتىندەگى وزگەرىستەرگە, ونىڭ «بي دجي گرۋپپ» كومپانيا­سى­مەن بىرىگۋى جوسپارلانىپ وتىر­عانىنا نازار اۋداردى. نۇر­سۇلتان نازارباەۆ قازاقستان ەكو­نو­ميكاسىنداعى ءىرى ينۆەستوردىڭ ءبىرى رەتىندە «شەلل» قاشاعان كەنىشىن يگەرۋ جوباسىندا ماڭىزدى ءرول اتقاراتىنىن ايتتى. مەملەكەت باسشىسى كومپا­نيانىڭ مىندەتتەمەلەرىنە وزگە­رىس­تەر وڭ ىقپال ەتەدى دەپ ۇمىتتە­نەتىنىن جەتكىزدى. ب.بەردەن نۇرسۇلتان نازار­باەۆ­تى قازاقستان پرەزيدەنتى لاۋا­زىمىنا قايتا سايلانۋىمەن قۇت­تىقتاپ, بۇل سايلاۋ ەل ءۇشىن عانا ەمەس, شەتەلدىك ينۆەستورلار ءۇشىن دە تۇ­راقتىلىقتىڭ ايعاعى بولىپ سانا­لاتىنىن ايتتى. سونىمەن قاتار, «شەلل» كون­تسەرنىنىڭ اتقارۋشى ديرەكتورى مەملەكەت باسشىسىنىڭ بىل­تىر يادرولىق قاۋىپسىزدىك ءجونىن­دەگى سامميتكە قاتىسۋ ءۇشىن نيدەر­لاندقا ساپارلاپ بارعانىندا وعان «پرەزيدەنت نازارباەۆ» دەپ اتال­عان قىزعالداقتىڭ جاڭا سورتى تانىس­تىرىلعانىن ەسكە سالدى. سوعان وراي ب.بەردەن نۇرسۇلتان نازار­باەۆقا گوللانديادان اكەلىن­گەن وسى سورتتىڭ جاڭا كەسىلگەن گ ۇلىن سىيلادى. سۋرەتتى تۇسىرگەندەر س.بوندارەنكو, ب.وتارباەۆ.