اۋدان اكىمدىگى بۇل اقپاراتتى راستادى. قازىرگى ۋاقىتتا اۋىلدا قالپىنا كەلتىرۋ جۇمىستارى ءجۇرىپ جاتىر, ال سۋ باسقان ايماقتا كولىك قوزعالىسى توقتاتىلدى.
- وتكەن جىلى كوكتەمگى سۋ تاسقىنى سالدارىنان نەگىزگى كوپىر زارداپ شەككەندىكتەن, ول جوندەۋگە جابىلدى. جەرگىلىكتى تۇرعىنداردىڭ قاتىناۋى ءۇشىن ءبىر شاقىرىم قاشىقتىقتا ۋاقىتشا توپىراق وتكەلى سالىنعان ەدى. بۇگىن سول وتكەلدى ويىل وزەنىنەن كەلگەن ەرىگەن قار سۋى شايىپ كەتتى, – دەپ مالىمدەدى اقتوبە وبلىسى اكىمدىگىنەن.
قازىرگى تاڭدا جەرگىلىكتى تۇرعىنداردىڭ وزەننەن قاۋىپسىز ءوتۋىن قامتاماسىز ەتۋ شارالارى قولعا الىنۋدا.
2024 جىلدىڭ كوكتەمىندە ويىل اۋدانى تاسقىن سۋ استىندا قالعان بولاتىن. بيىل دا اقتوبە وبلىسى سۋ تاسقىنى قاۋپى جوعارى ايماقتاردىڭ قاتارىندا. وبلىس ورتالىعىنىڭ تۇرعىندارىنا سۋ تاسقىنى كەزىندە ەۆاكۋاتسياعا دايىن بولۋ كەرەكتىگى ەسكەرتىلدى.
