ماڭىزدى تاقىرىپقا ارنالعان جيىنعا «ەگەمەن قازاقستان» جانە «كازاحستانكايا پراۆدا» باسىلىمدارىنىڭ ۇجىمى قاتىستى.
پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ايەلدەر مەن بالالاردىڭ قۇقىقتارىن قورعاۋ سالاسىنداعى وزەكتى ماسەلەلەردى شەشۋگە اركەز مۇددەلى. بۇگىندە مادەنيەت جانە اقپارات ءمينيسترى ايدا بالاەۆا توراعالىق ەتەتىن كوميسسيا قوعامنىڭ ءار ساتىسىندا ايەلدەردىڭ ءۇنىن بيىك مىنبەرگە جەتكىزۋ باعىتىندا قىزمەت اتقارىپ كەلەدى.
ونىڭ ىشىندە نازىك جاندىلاردىڭ لاۋازىمدىق قىزمەتتەگى ۇلەسىن ارتتىرۋ, قوعامداعى بەدەلىن بيىكتەتۋ, ەڭبەك نارىعىنداعى پايىزدىق ۇلەسىن جوعارىلاتۋ, ەر مەن ايەل جالاقىسىنىڭ تەڭ دەڭگەيدە ەسەپتەلۋىنە مۇرىندىق بولۋ سىندى ماڭىزدى ماسەلەلەر بار.
تاراسەنكو ەلەنا يۆانوۆنا بۇگىنگى جيىندا ەلىمىزدەگى ەر مەن ايەل قۇقىعى كونستيتۋتسيامەن تەڭەستىرىلگەنىنە نازار اۋدارىپ, بۇل تاقىرىپتاعى تەڭدىك وتباسىنان باستالاتىنىن اتاپ ءوتتى.
«ەر مەن ايەل تەڭدىگى وتباسىنداعى تاربيەدەن باستاۋ الادى. مەملەكەتتىڭ وسى ءبىر ماڭىزدى ينستيتۋتىندا تەڭدىك تەرەڭ تۇسىندىرىلسە قوعامدا كەلەڭسىز تۇسىنىكتەر قالىپتاسپايدى. تيىسىنشە وسىنداي وتباسىلاردا ءوسىپ-ونگەن بالالار گەندەرلىك ستەرەوتيپتەردى جويۋعا ات سالىسادى. كوميسسيا ماقساتى دا وسى تۇستان باستاۋ الىپ, مەملەكەتتىك دەڭگەيگە ۇلاسادى. وسىنداي ناتيجەلى قادامدار ارقىلى شەشۋشى قىزمەتتەر مەن مەملەكەتتىك ورگانداردا ايەلدەردىڭ سانى ارتىپ كەلەدى. ماسەلەن 2004 جىلدارى ايەل دەپۋتاتتاردىڭ پارلامەنتتەگى ۇلەسى 10 پايىز بولسا, 2019 جىلى 20 پايىزعا جەتكەن. 2020 جىلى بۇل كورسەتكىش 28 پايىزدى قۇرادى», دەدى ەلەنا يۆانوۆنا.
كەڭەستىك كەزەڭدە 200-گە جۋىق ماماندىقتا ايەلدەردىڭ ەڭبەك ەتۋىنە تىيىم سالىنعانى بەلگىلى. بۇگىندە ەلىمىزدە مۇنداي شەكتەۋلەردىڭ تابى قالماعان. مۇنىڭ ءوزى قازاقستاندا گەندەرلىك ساياساتتىڭ دامۋىنا ەرەكشە دەن قويىلىپ جاتقانىن اڭعارتادى.
