فوتو: zakon.kz
مامانداندىرىلعان حالىققا قىزمەت كورسەتۋ ورتالىعىنىڭ 2 قىزمەتكەرى, 1 پروگرامميست مامانى مەن 4 دەلدال الدىن الا ءسوز بايلاسۋ ارقىلى جامبىل, تۇركىستان جانە الماتى وبلىسىنىڭ 21 تۇرعىنىنا زاڭسىز جۇرگىزۋشى كۋالىكتەرىن جاساعان.
زاڭسىز جولمەن كۋالىك العاندار بۇعان دەيىن ەمتيحاننان ءسۇرىنىپ كەلگەن.
تاراز قالالىق محقكو-نىڭ قىزمەتكەرى ءوزىنىڭ سىبايلاسى الماتى قالالىق محقكو-نىڭ پروگرامميست-مامانى ارقىلى تۇركىستان وبلىسىنىڭ تۇرعىنىن پراكتيكالىق ەمتيحان تاپسىرماعانىنا قاراماستان, ەمتيحاننان ءساتتى وتكەنىن اقپاراتتىق جۇيە ارقىلى راستاعان.
سوتتالۋشىلار 100 مىڭنان 200 مىڭ تەڭگەگە دەيىنگى قاراجاتتى ءتۇرلى وبلىستاردىڭ دەلداردارى ارقىلى تاراز قالالىق محقكو-نىڭ قىزمەتكەرىنە جيناپ, ارالارىندا ءوزارا بولىنگەن.
وسى تەكتەس قىلمىستىق سحەما 20 ازاماتقا قاتىستى جۇزەگە اسىرىلعان.
27 اقپان كۇنى تاراز قالالىق №2 سوتى محقكو-دا زاڭسىز جۇرگىزۋشى كۋالىگىن ساتقان ادامدار توبىنا قاتىستى ايىپتاۋ ۇكىمىن شىعاردى.
كىنالى تۇلعالار 3,6 جىلمەن 4,6 جىل ارالىعىندا شارتتى تۇردە باس بوستاندىعىنان ايىرىلدى.
سونداي-اق, قىلمىستىق قۋدالاۋ ورگانىنىڭ تالابى بويىنشا زاڭسىز الىنعان جۇرگىزۋشى كۋالىكتەرى جارامسىز دەپ تانىلدى.
