فوتو: وكق
ستاتيستيكالىق دەرەكتەردەن بەلگىلى بولعانداي, 2024 جىلى ەرەكشە قورعالاتىن تابيعي اۋماقتارعا شامامەن 2,8 ملن ادام بارعان, بۇل 2023 جىلمەن سالىستىرعاندا 400 مىڭعا كوپ.
سپيكەر قابىلداناتىن شەشىمدەردىڭ اشىقتىعىن قامتاماسىز ەتۋ ماقساتىندا ۇلتتىق پاركتەردە ۇيلەستىرۋ كەڭەستەرى قۇرىلاتىنىن ايتتى.
«ەرەكشە قورعالاتىن تابيعي اۋماقتاردى پايدالانۋ بويىنشا بارلىق شەشىمدەر اتالعان ۇيلەستىرۋ كەڭەستەرىنىڭ ۇسىنىمدارىن ەسكەرە وتىرىپ قابىلدانادى», دەدى كوميتەت توراعاسى.
سونىمەن قاتار, تابيعي قورىقتار مەن ۇلتتىق پاركتەرگە كىرۋ ءۇشىن تولەم جيناۋدىڭ اشىقتىعىن قامتاماسىز ەتۋ جانە سىبايلاس جەمقورلىق قاۋپىن ازايتۋ ماقساتىندا ۇلتتىق پاركتەردىڭ باقىلاۋ-وتكىزۋ بەكەتتەرىن اۆتوماتتاندىرۋ تۇرعىسىندا جۇمىستار جۇرگىزىلىپ جاتىر.
«بۇگىندە 9 باقىلاۋ-وتكىزۋ بەكەتى اۆتوماتتاندىرىلدى, سونداي-اق جۇيەنى تولىق اۆتوماتتاندىرۋ ءۇشىن ءىىم-ءنىڭ دەرەكتەر بازاسىمەن ينتەگراتسيالاۋ جۇمىستارى جۇرگىزىلىپ جاتىر», دەدى د.تۇرعامباەۆ.
