ريۋاياتتارعا سۇيەنسەك, ادام اتا مەن حاۋا انا جاراتىلىس باستالعان كەزدە پەيىشتە ءومىر سۇرگەن. اللا ولارعا جۇماقتاعى بيدايدى جەۋگە تىيىم سالعان. الايدا شايتاننىڭ ازعىرۋىمەن ولار سول تىيىم سالىنعان بيدايدى جەپ قويعان. وسى ارەكەتى ءۇشىن ءتاڭىرى ولاردى جەرگە ءتۇسىرىپ, تاۋبەگە كەلۋ ءۇشىن ورازا ۇستاۋدى بۇيىرعان.
اڭىز بويىنشا, تىيىم سالىنعان بيدايدىڭ قالدىعى ادام اتا مەن حاۋا انانىڭ اسقازانىندا قورىتىلماي قالىپ قويعان. ءتاڭىردىڭ بۇيرىعىمەن ولار وتىز كۇن ورازا ۇستاپ, دەنەسىن ارام استان تازارتقان ەكەن. وسىلايشا, وتىز كۇن ورازا ءداستۇرى سول كەزدەن بەرى جالعاسىپ كەلەدى دەگەن سەنىم بار.
يسلام دىنىندە ورازانىڭ پارىز ەتىلۋى قۇران كارىمنىڭ «باقارا» سۇرەسىندە بەكىتىلگەنى بەلگىلى. بىراق, ادام اتا مەن حاۋا اناعا قاتىستى بۇل وقيعا حالىقتىق نانىم رەتىندە يسلام مادەنيەتىندە ەرەكشە ورىن الادى.
بۇل اڭىز وتىز كۇن ورازانىڭ تەك قۇلشىلىق ەمەس, ادامنىڭ جان-دۇنيەسىن جانە دەنەسىن تازارتۋدىڭ رۋحاني جولى ەكەنىن ايقىن كورسەتەدى.
