فوتو: اشىق دەرەككوز
قىزمەتتىڭ باستى ەرەكشەلىگى – بۇرىن بەرىلگەن جەكە كۋالىك نەمەسە تولقۇجاتتاعى فوتوسۋرەتتى پايدالانۋ مۇمكىندىگى. الايدا, فوتوسۋرەتى بار قۇجات سوڭعى ءۇش جىل ىشىندە شىعارىلعان بولۋى ءتيىس.
قىزمەتتى الۋ ءۇشىن:
- eGov Mobile قوسىمشاسىنا كىرىپ, اۆتوريزاتسيادان ءوتۋ;
- «قىزمەتتەر» بولىمىندە «جۇرگىزۋشى جانە كولىك» ساناتىنان «جۇرگىزۋشى كۋالىگىن بەرۋ» قىزمەتىن تاڭداۋ;
- دايىن قۇجاتتى الاتىن حقكو-نى تاڭداۋ;
- جۇرگىزۋشى كۋالىگىن اۋىستىرۋ سەبەبىن كورسەتۋ جانە فوتوسۋرەت جۇكتەۋ;
- قولتاڭبا ۇلگىسىن جۇكتەپ, بايلانىس ءنومىرىن ەنگىزۋ;
- مەملەكەتتىك باجدى تولەۋ (4 915 تەڭگە);
- ءوتىنىمدى Face/Touch ID كومەگىمەن راستاۋ.
- قىزمەت ناتيجەسى «حابارلامالار» بولىمىندە قولجەتىمدى بولادى.
ءوتىنىم ماقۇلدانعاننان كەيىن جۇرگىزۋشى كۋالىگىن تاڭداعان حقكو-دان جەكە كۋالىك پەن ەسكى جۇرگىزۋشى كۋالىگىن ۇسىنۋ ارقىلى الۋعا بولادى. جاڭا قۇجات بەرىلگەنگە دەيىن بۇرىنعى كۋالىك جارامدى بولىپ قالا بەرەدى (ەگەر ونىڭ مەرزىمى اياقتالماسا).
ايتا كەتەيىك, قىزمەتتى ىسكە قوسقاننان بەرى 7 000-نان استام ادام ونى پايدالانىپ ۇلگەرگەن.
