فوتو: «قازاقستان تەمىر جولى ۇك» اق ءباسپاسوز قىزمەتى
الماتى-2 – پاۆلودار باعىتى بويىنشا كەلە جاتقان جولاۋشىلار پويىزىنىڭ ءماشينيسى تەمىر جولعا بەلگىلەنبەگەن جەردەن شىعىپ, رەلستەر اراسىندا قىسىلىپ قالعان Toyota Land Cruiser ماركالى اۆتوكولىگىنىڭ كەسىرىنەن شۇعىل تەجەۋدى قولدانۋعا ءماجبۇر بولعان.
سول تۇستان ءوتىپ بارا جاتقان تەمىرجولشىلار جەدەل قيمىلداپ, جول تالعامايتىن كولىكتى قاۋىپسىز جەرگە سۇيرەپ اپارعان, ال, جۇرگىزۋشى سول جەردەن قاشىپ كەتكەن.
وقيعا سالدارىنان پويىز 16 مينۋتقا كىدىرگەن. قازىرگى ۋاقىتتا تەرگەۋ جۇرگىزىلىپ جاتىر.
بيىل قاڭتار-اقپان ايلارىندا تەمىرجول وتكەلدەرىندە اۆتوكولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋىنا بايلانىستى 4 جول-كولىك وقيعاسى بولىپ, جولاۋشىلار مەن تەمىرجول قىزمەتكەرلەرىنىڭ ومىرىنە قاۋىپ توندىرگەن.
