رىباكينا تاعى دا ۇتىلدى

تۇساۋكەسەر كەزدەسۋ­لە­رىندە الەكساندر بۋب­ليك (اتر№82) جا­پو­نيالىق يۋسۋكە ۆاتۋناكيگە (349), الەكساندر شەۆچەنكو (98) اۋستراليالىق رينكي حيد­جيكاتاعا (83) ەسە جىبەردى. قوس قىزىمىز جارىستى ەكىنشى كە­زەڭنەن باستادى. يۋليا پۋ­تينتسەۆا (WTA №20) چەحيالىق كاتەرينا سينياكوۆاعا (59) جارىتىپ قارسىلىق كورسەتە المادى – 2:6, 2:6.

ەلەنا رىباكينا (WTA №7) ءوز كورەرمەندەرىن قۋانتىپ, ال­دىمەن فرانتسيالىق سيۋزان لام­مەنسكە (WTA № 64) سان سوقتىردى – 6:3, 6:3. ودان كەيىن ۇلىبريتانيالىق كەت بۋل­تەرمەن (WTA №38) كەزدەستى. بۇل باسەكەدە دە رىباكينا ءوز قارسىلاسىنان باسىم ءتۇستى. 1 سا­عات 16 مينۋتقا سوزىلعان سايىس 6:0, 7:5 ەسەبىمەن اياقتالدى. 1/8 فينالدا ول الەمنىڭ 11-راكەتكاسى, رەسەيلىك ميررا اندرەەۆامەن كۇش سىناس­تى. ەلىمىزدىڭ ەڭ ۇزدىك تەننيسشىسى ءدال وسى ويىنشىمەن وسىدان ءۇش اپتا بۇرىن دۋبايداعى دودانىڭ جارتىلاي فينالىندا شەبەرلىك بايقاسىپ, ول كەزدەسۋدە اندرەەۆانىڭ اسىعى الشىسىنان تۇس­كەن ەدى. بۇل جولى دا رىبا­كينانىڭ 17 جاستاعى قار­سى­لاسىنا ءالى جەتپەدى – 1:6, 2:6.

ينديان-ۋەللستەگى ءتۋرنيردىڭ العاشقى ­اينالىمدارىندا توسىن ناتيجەلەر دە تىركەلدى. ەڭ باستى سەنساتسيا – سەربيانىڭ داڭقتى تەننيسشىسى نوۆاك دجوكوۆيچ ويدا-جوقتا اتر تىزىمىندە 85-ورىندا تۇرعان نيدەرلاندتىڭ وكىلى بوتيك ۆان دە زاندسحۋلپتەن 2:6, 6:3, 1:6 ەسەبىمەن ۇتىلدى. سونداي-اق 2021 جىلعى US Open دوداسىنىڭ جەڭىمپازى, ۇلىبريتانيالىق ەمما رادۋ­كانۋ جاپونيالىق مويۋكا ۋچي­جيمادان جەڭىلدى – 3:6, 2:6. الەمنىڭ ەكىنشى راكەتكاسى, گەر­مانيالىق الەكساندر زۆەرەۆ قىزعالداقتار ەلىنىڭ تاعى ءبىر ويىن­شىسى تال­لون گريكسپۋرگە جول بەردى – 6:4, ­ 6:7, 6:7.