فوتو: اشىق دەرەككوز
ءمينيستردىڭ ايتۋىنشا, TikTok «وتباسىلىق باپتاۋلار» بولىمىندە اتا-انالارعا بالالارىنىڭ قوسىمشاعا كىرۋ ۋاقىتىن شەكتەۋگە مۇمكىندىك بەرەتىن جاڭا فۋنكتسيانى ىسكە قوسۋدى جوسپارلاپ وتىر. سونداي-اق, پلاتفورما ساعات 22:00-دەن كەيىن جاسوسپىرىمدەردىڭ نازارىن دەمالىسقا اۋدارۋعا كومەكتەسەتىن ارنايى مۇمكىندىكتى ەنگىزبەك.
«TikTok جاسوسپىرىمدەردىڭ قاۋىپسىزدىگى مەن اتا-انالاردىڭ باقىلاۋ جۇيەسىن ودان ءارى جاقسارتۋدا. پلاتفورما جاسوسپىرىمدەر ءۇشىن قاۋىپسىز ونلاين كەڭىستىك قۇرۋعا جانە اتا-انالارعا بالالارىنىڭ TikTok-تاعى بەلسەندىلىگىن باسقارۋعا كومەكتەسەتىن جاڭا مۇمكىندىكتەردى ىسكە قوسقانىن حابارلايدى. اتاپ ايتقاندا, TikTok «وتباسىلىق باپتاۋلار» بولىمىندە اتا-انالارعا جاسوسپىرىمدەردىڭ قوسىمشاعا قولجەتىمدىلىگىن بەلگىلى ءبىر ۋاقىت ارالىعىندا شەكتەۋگە مۇمكىندىك بەرەتىن جاڭا فۋنكتسيانى ىسكە قوسۋدى جوسپارلاپ وتىر. سونداي-اق, پلاتفورما ساعات 22.00-دەن كەيىن TikTok-تى پايدالاناتىن جاسوسپىرىمدەردىڭ نازارىن اۋدارىپ, تىنىعۋىنا كومەكتەسەتىن جاڭا مۇمكىندىكتى ىسكە قوسپاق», دەدى ايدا بالاەۆا.
سونىمەن قاتار ول TikTok-تاعى اتا-انالاردىڭ باقىلاۋ جۇيەسىنىڭ ءبىر بولىگى بولىپ تابىلاتىن «وتباسىلىق باپتاۋلاردىڭ» ىسكە قوسىلعانىنا بەس جىل بولعانىن اتاپ ءوتتى.
«وسى جىلدار ىشىندە اتا-انالاردىڭ كەرى بايلانىسى مەن ساراپشىلاردىڭ ۇسىنىستارىن ەسكەرە وتىرىپ, TikTok جاڭا فۋنكتسيالاردى بىرنەشە رەت ەڭگىزىپ وتىردى. بۇل جولى TikTok قولدانباسىنىڭ ازىرلەۋشىلەرى «دەمالىس» دەگەن جاڭا فۋنكتسيانى قوستى. ول قوسىمشانى بەلگىلى ءبىر ۋاقىتقا بۇعاتتاۋعا مۇمكىندىك بەرەدى», دەدى مينيستر.
- بالالارىنا TikTok-قا قول جەتكىزۋدى شەكتەۋ ۋاقىتىن بەلگىلەي الادى, مىسالى, وقۋ ۋاقىتىندا نەمەسە تۇنگى ۋاقىتتا.
- تسيفرلى دەتوكستقا قول جەتكىزۋ ءۇشىن قايتالاناتىن كەستەنى ورناتا الادى.
- شەكتەۋ قويىلعان ۋاقىت ارالىعىندا ءجاسوسپىرىمنىڭ TikTok-تى قولدانۋ سۇرانىسىن قابىلداي الادى.
- وعان قوسا «وتباسىلىق باپتاۋلاردىڭ» جاڭا فۋنكتسياسى اتا-انالارعا بالالارىنىڭ اككاۋنتتارى تۋرالى تولىق اقپارات الۋعا مۇمكىندىك بەرەدى. ەندى اتا-انالار:
- بالالارىنىڭ TikTok-تا كىمدەردى باقىلاپ وتىراتىنىن جانە ولاردىڭ اككاۋنتىنا كىمدەر جازىلعانىن كورە الادى.
- قانداي قولدانۋشىلاردىڭ اككاۋنتتارىن بۇعاتتاعانىن بىلە الادى.
