استانا. 5 مامىر. فۋتبولدان اعىلشىن پرەمەر-ليگاسىندا جەڭىمپاز كوماندا انىقتالدى. چەمپيوناتتىڭ اياقتالۋىنا 3 تۋر قالعان كەزدە لوندوننىڭ «چەلسيى» تاريحىندا بەسىنشى رەت انگليا چەمپيونى اتاندى. بۇل تۋرالى eurosport.ru حابارلادى.
«چەلسي» 35-تۋر اياسىندا وتكەن شەشۋشى ويىندا «كريستال پەلاسپەن» ويناپ, 1:0 ەسەبىمەن جەڭىسكە جەتتى. جالعىز گولدى «اقسۇيەكتەر» ساپىنداعى بەلگيالىق لەگيونەر ەدەن ازار سوقتى.
وسى جەڭىستەن كەيىن جوزە موۋرينو جاتتىقتىراتىن كوماندانىڭ ۇپاي سانى 83-كە جەتتى. ال ەكىنشى ورىندا كەلە جاتقان «مانچەستەر ءسيتيدىڭ» ەنشىسىندە 70 ۇپاي بار. چەمپيوناتتىڭ اياقتالۋىنا 3 تۋر قالعانىن ەسكەرسەك, «ءسيتيدىڭ» «چەلسيگە» جەتە المايتىنى بەلگىلى. سونداي-اق, ءالى 5 ويىن وتكىزەتىن «ارسەنال» دا بارلىق كەزدەسۋىن جەڭىسپەن اياقتاعان كۇننىڭ وزىندە «چەلسيدەن» بازىپ وزا المايدى. سەبەبى, ارسەن ۆەنگەردىڭ كومانداسىندا بۇگىندە 67 ۇپاي عانا بار. مۇنداي كورسەتكىشپەن ولار ازىرگە 3-ساتىدا كەلەدى.
2014-2015 جىلعى ماۋسىمدا «چەلسي» 274 كۇن بويى تۋرنير كەستەسىندە كوش باستاپ تۇردى. بۇل انگليا فۋتبولىنىڭ تاريحىندا رەكوردتىق كورسەتكىش. وسىعان دەيىنگى ەڭ ۇزدىك ناتيجە «مانچەستەر يۋنايتەدكە» تيەسىلى. «قىزىل سويقاندار» 1993-1994 جىلعى ماۋسىمدا 262 كۇن بويى كوشباسشىلىقتى ەشكىمگە بەرمەگەن بولاتىن.
ەلامان قوڭىر.
دەرەك, سۋرەت: eurosport.ru.
