- لوندوندا تەننيسشىلەردىڭ دەۆيس كۋبوگىنىڭ جەرەبەسى تارتىلدى. ءى الەمدىك توپتا ونەر كورسەتەتىن جەرلەستەرىمىز وڭتۇستىك كورەيامەن شەبەرلىك بايقاسادى. باسەكەلەر قىركۇيەك ايىندا وتەدى. وسىعان دەيىن قوس كوماندا ءوزارا ەكى مارتە كەزدەستى. 2007 جىلى كورەيلەر 5:0 ەسەبىمەن ويسىراتا ۇتسا, ارادا ءۇش جىل وتكەندە جەرلەستەرىمىز قارسىلاسىن ءدال سونداي ەسەپپەن جەڭدى.
- فۋتبولدان 2026 جىلى جالاۋى جەلبىرەيتىن دۇنيەجۇزىلىك دوپ دوداسىنىڭ ىرىكتەۋ ءتۋرنيرى اياسىندا ەلىمىزدىڭ قۇراماسى الداعى كۇندەرى سىرت الاڭدا ەكى كەزدەسۋ وتكىزەدى. ءالي اليەۆ جاتتىقتىراتىن كوماندا 22 ناۋرىزدا ۋەلسكە, 25 ناۋرىزدا ليحتەنشتەينگە قارسى وينايدى.
- فۋتبولدان ەلىمىزدىڭ پرەمەر-ليگاسىنىڭ ەكىنشى تۋرى مىنداي ناتيجەلەرمەن اياقتالدى: «وقجەتپەس» – «اتىراۋ» 2:1, «جەتىسۋ» – « ۇلىتاۋ» 0:0, «جەڭىس» – «توبىل» 0:0, «قايرات» – «ورداباسى» 4:0, اقتوبە» – «تۇران» 2:1, «ەلىماي» – «قايسار» 2:0, «قىزىلجار» – «استانا» 0:2.
- قازاق پارابياتلونشىسى ەربول حاميتوۆ شۆەتسيادا شىمىلدىعى تۇرىلگەن الەم كۋبوگى كەزەڭىنىڭ جەڭىمپازى اتاندى. ول 7,5 شاقىرىمدىق سپرينتەرلىك سايىستا دارا شىقتى. كۇمىس, قولا مەدالدار ۋكراينا سپورتشىلارى پاۆلو بال مەن الەكساندر الەكسيككە بۇيىردى.
- فرانتسيادا «پاريج-نيتستسا» كوپكۇندىگى ءوتىپ جاتىر. 16 ناۋرىزعا دەيىن سوزىلاتىن جارىستا «استانانىڭ» نامىسىن كەيس بول, كلەمان شامپۋسسان, انتون چارميگ, ەۆگەني فەدوروۆ, حارولد تەحادا, مايك تيونيسسەن, نيكوليا ۆينوكۋروۆ سىندى ۆەلوشاباندوزدار قورعايدى.
