فوتو: دەنساۋلىق ساقتاۋ مينيسترلىگى
ونىڭ ىشىندە 1147 شاقىرتۋ ءبىرىنشى ساناتقا, 6723 - ەكىنشى ساناتقا, 6220 ءۇشىنشى ساناتقا جانە ءتورتىنشى سانات بويىنشا ەمحانالار جانىنداعى بريگادالار 8624 شاقىرتۋعا قىزمەت كورسەتكەن.
ەڭ كوپ شاقىرتۋلار تۇركىستان وبلىسى, شىمكەنت, الماتى, استانا قالالارىندا, ودان كەيىن جامبىل جانە الماتى وبلىستارىندا تىركەلگەن.
بۇل كۇنى اۋىر دياگنوزى بار پاتسيەنتتەرگە 15 تەلەمەديتسينالىق كونسۋلتاتسيا بەرىلىپ, سانيتاريالىق اۆياتسيا ءبىر رەت پاتسيەنتكە قىزمەت كورسەتكەن. جەدەل كورونارلىق سيندرومى بار ەر ادام ساناۆياتسيا بورتىمەن قۇرمانعازى كەنتىنەن اتىراۋ وبلىستىق اۋرۋحاناسىنا جەتكىزىلگەن.
قازىرگى ۋاقىتتا ەل بويىنشا جەدەل مەديتسينالىق جاردەم قىزمەتىن 20 دەربەس ستانتسيا, 98 قالالىق كىشى ستانتسيا جانە 232 اۋداندىق بولىمشە ۇسىنادى.
وبلىستىق جانە قالالىق جەدەل جاردەم ستانتسيالارىندا ءبىر اۋىسىمدا 1 491 كوشپەلى بريگادا, مساك (ەمحانا) ۇيىمدارىنىڭ جانىنداعى شۇعىل 4-ساناتتاعى شاقىرتۋلارعا قىزمەت كورسەتۋ ءۇشىن 446 بريگادا جۇمىس ىستەيدى.
