توتەنشە جاعدايلار مينيسترلىگىنىڭ حابارلاۋىنشا, قارعىن سۋ تۇرعىن ۇيلەرگە كىرمەگەن, زارداپ شەككەندەر جوق.
- وقيعا ورنىنا توتەنشە جاعدايلار دەپارتامەنتىنىڭ, جەرگىلىكتى اتقارۋشى ورگانداردىڭ جانە پوليتسيانىڭ كۇشتەرى مەن قۇرالدارى جەدەل جەتتى. تاسقىن سۋدىڭ سالدارىن جويۋعا بارلىعى 150-دەن استام ادام, 14 تەحنيكا, سونىڭ ىشىندە موتوپومپالار جۇمىلدىرىلدى, - دەپ حابارلادى توتەنشە جاعدايلار مينيسترلىگى.
توتەنشە جاعداي قىزمەتىنىڭ حابارلايىنشا, جەدەل قابىلدانعان شارالاردىڭ ارقاسىندا جەكە تۇرعىن ۇيلەرگە سۋ كىرۋىنە جول بەرىلگەن جوق. قازىر ەرىگەن قار سۋىن سورۋ جانە بۇرۋ جۇمىستارى تولىعىمەن اياقتالدى, جاعداي تۇراقتى.
