كۇنى كەشە ەلەنا رىباكينا ينديان-ۋەللستەگى (اقش) WTA 1000 ءتۋرنيرىنىڭ ءۇشىنشى كەزەڭىنە شىقتى. قازاقستاندىق ەكىنشى اينالىمدا نيدەرلاندى وكىلى سيۋزاننا لامەنستى 6:3, 6:3 ەسەبىمەن ۇتتى. كەلەسى كەزەكتە ەلەنا بريتاندىق كەتي بوۋلتەرمەن كەزدەسەدى.
ەلىمىزدىڭ ۇزدىك تەننيسشىسى ەلەنا رىباكينا الداعى ويىندا دا كورتقا فاۆوريت مارتەبەسىندە شىعادى. بىراق كەتي بوۋلتەر دە وسال قارسىلاس ەمەس. 1/16 فينالدىق ماتچ قازاقستان ۋاقىتى بويىنشا 2:00-گە جوسپارلانعان.
2025 جىلى ول 19 ماتچ وتكىزىپ, 14 ويىندا جەڭىسكە جەتسە, 5 ماتچتا جەڭىلىس تاپتى. جىل باسىنان بەرى ول ەكى ايدا 1 010 313 دوللار (501 ملن تەڭگە) تابىس تاپقان. جالپى, ەلەنا رىباكينا كاسىبي مانسابىندا تەك تەننيس تۋرنيرلەرىنەن 16 745 303 اقش دوللار تابىس تاپتى. بيىلعى ەڭ كوپ جۇلدە جەڭىپ العان ۇزدىك تەنيسسشىلەردىڭ قاتارىندا رىباكينا 6 ورىندا تۇر.
