«قاتتى بوران مەن قارلى بۇرقاسىن سالدارىنان تۇندە ۇلىتاۋ, قاراعاندى, اباي جانە اقتوبە وبلىستارىندا بىرقاتار جەڭىل كولىك جولدا قالىپ قويعان», — دەلىنگەن حابارلامادا.
ىرعىز اۋدانىندا «ىرعىز-نۇرا» تاس جولىنىڭ 80-شاقىرىمىندا گازەل ماركالى اۆتوكولىك قار قۇرساۋىندا قالعان. قۇتقارۋشىلار ۆاحتالىق كولىكپەن جەتىپ, كولىكتى قاردان شىعارىپ, تازارتىلعان جول بولىگىنە دەيىن سۇيرەپ اپاردى. جۇرگىزۋشى ءوز بەتىنشە جولىن جالعاستىردى, مەديتسينالىق كومەك قاجەت بولعان جوق.
بۇقار جىراۋ اۋدانىندا, قۇرىلىس اۋىلىنىڭ ماڭىندا جەڭىل اۆتوكولىك قارعا باتىپ, جۇرە الماي قالعان. وقيعا ورنىنا جەتكەن تجم قىزمەتكەرلەرى ترەكول جول تالعامايتىن كولىگىنىڭ كومەگىمەن كولىكتى قاردان شىعارىپ, ءتورت جولاۋشىنى قۇتقاردى. ولاردىڭ اراسىندا بالا دا بولعان. ابىروي بولعاندا, ەشكىم زارداپ شەككەن جوق.
