جەكەشەلەندىرۋدىڭ 2021–2025 جىلدارعا ارنالعان كەشەندى جوسپارىن ىسكە اسىرۋ بارىسى قارالىپ, جۇمىستىڭ تيىمدىلىگىن ودان ءارى ارتتىرۋ جانە ۇدەرىستى جەتىلدىرۋ شارالارى تالقىلاندى.
مەملەكەتتىك م ۇلىك ءتىزىلىمىنىڭ دەرەكتەرىن تەكسەرۋ ءارى وزەكتەندىرۋ جۇمىسى اياقتالدى. جەكەشەلەندىرۋ ۇدەرىسىن جانداندىرۋ جانە جەتىلدىرۋ شەڭبەرىندە كەپىلدىك جارنالاردى قامتاماسىز ەتۋ ءۇشىن «ەلەكتروندى ءامياندى» ەنگىزۋ, ساۋدا-ساتتىققا قاتىسۋعا وتىنىمدەر بەرۋ مەرزىمىن ۇلعايتۋ, سونداي-اق قوسىمشا رەسۋرستار بويىنشا ساتۋ تۋرالى حابارلامالاردى جاريالاۋدى قوسقاندا, نىسانداردى ساتۋ قاعيدالارىنا وزگەرىستەر ەنگىزىلدى. سونىمەن قاتار «مەملەكەتتىك م ۇلىك تۋرالى» زاڭعا تىكەلەي ساتۋدان باس تارتۋدى جانە م ۇلىكتى تەك اۋكتسيوندار ارقىلى بەرۋدى كوزدەيتىن تۇزەتۋلەر ازىرلەندى. جەر بەرۋ تەتىگىنىڭ اشىقتىعىن قامتاماسىز ەتۋ ءۇشىن ءشولدى جانە شولەيت ايماقتاردى قوسپاعاندا, اۋىل شارۋاشىلىعى ماقساتىنداعى جەرلەردىڭ 100%-ى تسيفرلاندىرىلدى.
بۇگىندە اكىمشىلىك زاڭناماعا بيزنەستى نەگىزسىز ارالاسۋدان قورعاۋعا باعىتتالعان تۇزەتۋلەر ەنگىزىلدى.
قارجى مينيسترلىگىنىڭ دەرەكتەرىنە سايكەس, قازىرگى ۋاقىتتا جالپى قۇنى 918,3 ملرد تەڭگەنى قۇرايتىن 392 مەملەكەتتىك مەنشىك جانە كۆازيمەملەكەتتىك سەكتور نىسانى باسەكەلەستىك ورتاعا بەرىلدى, 69 نىسان قايتا ۇيىمداستىرۋعا/تاراتۋعا جىبەرىلدى. سونىمەن قاتار 21 نىسان ساۋداعا شىعارىلىپ, 155 نىسان ساتىلىمعا دەيىنگى دايىندىقتا.
كەڭەس قورىتىندىسى بويىنشا پرەمەر-مينيستر ەكونوميكانى ىرىقتاندىرۋ, ونىڭ ىشىندە قامتىلاتىن سالالاردى كەڭەيتۋ جۇمىستارىن جانداندىرۋدى تاپسىردى.
