قوستانايدا قارۋ ساتپاق بولعان ينسپەكتور ۇستالدى

قوستاناي. 4 مامىر. قوستانايداعى № 2 سوت وبلىستىق ىشكى ىستەر دەپارتامەنتىنىڭ اكىمشىلىك پوليتسياسى باسقارماسى  تابيعات قورعاۋ پوليتسياسىنىڭ ينسپەكتورى  تيمۋر قۇداباەۆتى قارۋ ساتپاق بولعان جەرىندە ۇستادى. بۇل تۋرالى egemen.kz ءتىلشىسى حابارلادى. سوتتىڭ ءباسپاسوز قىزمەتى حابارلاعانداي,  قۇداباەۆ قارۋ جوندەيتىن شەبەرمەن كەزدەسىپ, شاعىن كاليبرلى شولاق ۆينتوۆكا مەن اڭشى مىلتىعىن ساتىپ  بەرۋدى ۇسىنادى. ول ۆينتوۆكانى 80 مىڭ, اڭشى مىلتىعىنا 30 تەڭگە سۇرايدى. قۇداباەۆتى قارۋلاردى اكەلىپ تۇرعان جەرىندە ونى  وبلىستىق ىشكى ىستەر دەپارتامەنتى جەكە قاۋىپسىزدىك باسقارماسىنىڭ قىزمەتكەرلەرى ۇستادى. بۇل تۋرالى قر قك 3 ءبولىمىنىڭ  287 بابى بويىنشا ءىس قوزعالدى. سوت قۇداباەۆتى قاماۋ جونىندە سانكتسيا شىعاردى, ەگەر ول 891 900 تەڭگە تولەسە سوتقا دەيىن بوستاندىقتا بولۋىنا قۇقى بار. قر قك 3 ءبولىمىنىڭ  287- بابى بويىنشا زاڭسىز قارۋ ساتپاق بولعان قۇداباەۆ 5000 ايلىق كورسەتكىش كولەمىندە ايىپ تولەۋى نەمەسە ونى جۇمىسپەن وتەۋى مۇمكىن. ولاي بولماعان جاعدايدا ءبىر جىلعا دەيىن بوستاندىعى شەكتەلەدى نەمەسە باس بوستاندىعىنان ايىرىلادى. ءنازيرا جارىمبەتوۆا. دەرەك: ng.kz سۋرەت: egemen.kz