سۋرەت: sakhaparliament.ru
ءبىرىنشى كەزەڭ – فيلمدەردىڭ ستسەناريىن نەمەسە ستسەناري جوسپارلارىن قاراۋ. ەكىنشى كەزەڭدە تاقىرىپتىق جوسپارعا ساي كەلەتىن, ساراپتاما كەڭەسى ىرىكتەگەن جوبالاردىڭ قۇجاتتارىن جيناقتاۋ جۇزەگە اسىرىلادى. كونكۋرستىق ىرىكتەۋدىڭ ءبىرىنشى كەزەڭىنە قاتىسۋ ءۇشىن ۇمىتكەرلەر ورتالىققا ستسەناريلەردى قاراۋعا ءوتىنىمدى, PDF فورماتىندا ستسەناريلەردى, اۆتورلىق شارت پەن جەكە باسىن كۋالاندىراتىن قۇجاتتاردىڭ كوشىرمەسى, ءوتىنىش بەرۋشى مەن ستسەناري نەمەسە ستسەناري جوسپارىنىڭ اۆتورى اراسىنداعى الدىن الا شارتتى جىبەرۋى قاجەت. ءوتىنىش بەرۋشى ءفيلمنىڭ ءار ءتۇرى, ويىن ءفيلمى, انيماتسيالىق فيلم, دەرەكتى-حرونيكالى فيلمدەر بويىنشا تەك ەكى ستسەناري ۇسىنا الادى. قۇجاتتار 5 ناۋرىز بەن 13 ناۋرىزعا دەيىن قابىلدانادى.
ء«بىزدىڭ ماقساتىمىز – اشىق ءارى ءادىل بايقاۋ وتكىزۋ. الداعى ۋاقىتتا ىرىكتەۋگە قاتىستى اقپاراتتار مينيسترلىكتىڭ جانە ورتالىقتىڭ رەسمي سايتىندا جانە الەۋمەتتىك جەلى اككاۋنتتارىندا تۇراقتى جاريالانادى. كونكۋرستىق ىرىكتەۋگە قاتىستى ساۋالدارىڭىز بولسا, كينو ورتالىعى جانىنان كەڭەس بەرۋ قىزمەتى اشىلعانىن حابارلايمىز. بۇعان دەيىن وسى جىلعى كينوجوبالار كونكۋرسىنا ارنالعان باسىم تاقىرىپتار ءتىزىمى جاريالانعان بولاتىن. كينوگەرلەر تۇشىمدى دۇنيە دايىنداپ, كورەرمەنگە ساپالى دۇنيە ۇسىنۋعا كۇش سالادى دەپ سەنەمىز», دەپ اتاپ ءوتتى مادەنيەت جانە اقپارات ءمينيسترى ايدا بالاەۆا.
ايتا كەتەيىك, كونكۋرستىق ىرىكتەۋگە قاتىسۋ قۇقىعىنا يە بولۋ ءۇشىن ۇمىتكەرلەردىڭ سالىق بەرەشەگىنىڭ بولماۋى, بانكروتتىق راسىمگە تارتىلماۋى ماڭىزدى.
