فوتو: اشىق دەرەككوز
ءمينيستردىڭ ايتۋىنشا, جۋرناليستەردىڭ اككرەديتاتسيا تالاپتارىن ساقتاۋى ماڭىزدى بولعانىمەن, مەملەكەتتىك قىزمەتكەرلەر دە باق وكىلدەرىنە كاسىبي جۇمىسىنا كەدەرگى كەلتىرمەي, قۇرمەتپەن قاراۋى ءتيىس.
«مەملەكەتتىك ورگاندار ۇيىمداستىراتىن ءىس-شارالاردا جۋرناليستەر بەلگىلەنگەن اككرەديتاتسيا تالاپتارى مەن رەگلامەنتتى قاتاڭ ساقتاۋ قاجەت ەكەنىن ەستەن شىعارماعانى ءجون. سونىمەن قاتار, مەملەكەتتىك قىزمەتشىلەر دە بۇقارالىق اقپارات قۇرالدارى وكىلدەرىنە قۇرمەتپەن قاراپ, ولاردىڭ كاسىبي قىزمەتىنە كەدەرگى كەلتىرمەۋگە ءتيىس», دەدى ايدا بالاەۆا.
سونىمەن قاتار ايدا بالاەۆا مينيسترلىك وسى ماسەلەگە بايلانىستى مەملەكەتتىك ورگانداردىڭ ءباسپاسوز قىزمەتتەرىمەن بىرلەسكەن جيىن ۇيىمداستىرىپ, بۇقارالىق اقپارات قۇرالدارى مەن بيلىك اراسىنداعى ءوزارا ءىس-قيمىلدى جاقسارتۋ جۇمىستارىن كۇشەيتەتىندىگىن اتاپ ءوتتى. سونداي-اق اقپارات كوميتەتى دە جۋرناليستەرمەن كونسترۋكتيۆتى ديالوگ ورناتۋ بويىنشا جۇمىستى جانداندىرادى.
