سۋرەت: instagram.com/senate_kz/
كەزدەسۋ بارىسىندا پارلامەنتتىك كومەكپەن قوسا ساۋدا-ەكونوميكالىق بايلانىستار مەن ينۆەستيتسيالىق ىنتىماقتاستىقتى نىعايتۋ جانە مادەني-گۋمانيتارلىق جوبالاردى ىسكە اسىرۋداعى ءوزارا ەكىجاقتى ءىس-قيمىلدىڭ نەگىزگى ماسەلەلەرى قوزعالدى.
«جاپونيا – ءبىزدىڭ ازياداعى ستراتەگيالىق ارىپتەسىمىز. قازاقستان مەن جاپونيا اراسىندا ديپلوماتيالىق قاتىناستار ورنىققان جىلداردا ءوزارا مۇددەلەر مەن قۇرمەتكە نەگىزدەلگەن بەرىك ديالوگ قالىپتاستى. بۇگىن ءبىز پارلامەنتارالىق بايلانىستاردى نىعايتۋعا ەرەكشە ءمان بەرىپ وتىرمىز, ويتكەنى بۇل ەكىجاقتى ىنتىماقتاستىقتى دامىتۋدىڭ ماڭىزدى قۇرالى بولىپ سانالادى», دەدى سەناتور.
ولار ەكى ەلدىڭ پارلامەنتتەرىندەگى دوستىق توپتارىنىڭ قىزمەتىن جانداندىرۋ جانە دەلەگاتسيالار الماسۋدىڭ ماڭىزدىلىعىن اتاپ ءوتتى. سونداي-اق سيرەك كەزدەسەتىن مەتالداردى ءوندىرۋ مەن دەكاربونيزاتسيا, تسيفرلاندىرۋ, اۋىل شارۋاشىلىعى جانە كولىك لوگيستيكاسى سياقتى سالالارداعى ءوزارا ءىس-قيمىلدىڭ كەلەشەگى تالقىلاندى. س.الداشەۆ «ورتالىق ازيا + جاپونيا» ديالوگى اياسىندا ىنتىماقتاستىقتى كەڭەيتۋگە مۇددەلى ەكەنىنە توقتالدى.
سونداي-اق سەناتور كەزدەسۋ سوڭىندا ياسۋماس يدجيمگە سىندارلى پىكىر الماسقانى ءۇشىن العىس ايتىپ, پارلامەنتارالىق ءوزارا ءىس-قيمىلدىڭ ودان ءارى نىعايۋى قازاقستان مەن جاپونيا اراسىنداعى ستراتەگيالىق ارىپتەستىكتى دامىتۋعا ەلەۋلى ۇلەس قوساتىنىنا سەنىم ءبىلدىردى.
