فوتو: جوعارعى سوت
جيىنعا سۋديالار, تمد ەلدەرىنىڭ جوعارعى سوتتارىنىڭ باسشىلىعى مەن سوت قوعامداستىعى, سوت تورەلىگى سالاسىنداعى بەدەلدى ۇيىمداردىڭ – سوت تورەلىگىنىڭ ساپاسى جونىندەگى ەۋروپالىق كوميسسيانىڭ جانە حالىقارالىق سوت اكىمشىلىگى قاۋىمداستىعىنىڭ (IACA), احقو سوتى اپپاراتىنىڭ وكىلدەرى, ديپلوماتتار, حالىقارالىق ۇيىمداردىڭ وكىلدەرى مەن ساراپشىلار سىندى 100 ادام قاتىستى.
پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنباەۆ قۇقىقتىق مەملەكەت ستاندارتتارىنا سايكەس سوت جۇيەسىن ودان ءارى دامىتۋ ءۇشىن بەرىك نەگىز قۇرۋدىڭ ماڭىزدىلىعىن, سونداي-اق وزىق حالىقارالىق تاجىريبەنى ەنگىزۋ قاجەت ەكەنىن اتاپ ءوتتى.
جوعارعى سوت توراعاسى اسلامبەك مەرعاليەۆ قازاقستان باسشىسىنىڭ باستامالارىن جۇزەگە اسىرۋ جانە ەلىمىزدىڭ سوت جۇيەسىندە ونىڭ تيىمدىلىگىن, اشىقتىعى مەن قولجەتىمدىلىگىن ارتتىرۋعا, ونىڭ ىشىندە تسيفرلىق تەحنولوگيالاردى ەنگىزۋگە جانە وزىق حالىقارالىق پراكتيكانى ەسكەرە وتىرىپ, جۇيەلى قايتا قۇرىلىمداۋعا باعىتتالعان رەفورمالاردى جۇزەگە اسىرۋ بارىسى تۋرالى باياندادى.
جوعارعى سوت توراعاسى سۋديالاردىڭ قىزمەتىن جەكە باعالاۋ ادىستەمەسىنىڭ جەتىلدىرىلىپ جاتقانىن, سوت پروتسەسىنىڭ اشىقتىعىن ارتتىرۋدى, IT-شەشىمدەردى ەنگىزۋدى, سۋبەكتىلىك فاكتوردى ازايتۋدى, سونداي-اق سوت جۇيەسىن بىلىكتى كادرلارمەن قامتاماسىز ەتۋ ماسەلەسىن ورتاعا سالدى.
استاناداعى ەقىۇ باعدارلامالار ءوفيسىنىڭ باسشىسى فولكەر فروبارت, قر كونستيتۋتسيالىق سوتىنىڭ توراعاسى ەلۆيرا ازيموۆا جانە سوت تورەلىگىنىڭ تيىمدىلىگى جونىندەگى ەۋروپالىق كوميسسيانىڭ توراعاسى فرانچەسكو دەپاسكۋالە قازاقستانداعى سوت تورەلىگى جۇيەسىنىڭ تيىمدىلىگىن ارتتىرۋدىڭ وزەكتى اسپەكتىلەرىنە توقتالدى.
️جيىنعا قاتىسقان MAسA پرەزيدەنتى پامەلا حارريس قازاقستاننىڭ سوت جۇيەسىنە ەنگىزىلگەن وزگەرىستەردى اسەرلى دەپ اتاپ, ولار سۋديالارعا اكىمشىلىك ماسەلەلەرگە الاڭداماي, تەك سوت تورەلىگىن جۇزەگە اسىرۋعا نازار اۋدارۋعا مۇمكىندىك بەرەتىنىن ايتتى. سپيكەر رەفورمالاردىڭ, ەڭ الدىمەن, قىسقا مەرزىمدە جۇرگىزىلىپ, ەڭ جاقسى ناتيجە كورسەتكەندىگى مەن اسەرلى ەكەنىن اتاپ ءوتتى. نەگىزگى وزگەرىستەر سوت اكىمشىلىگىنىڭ جاڭا مودەلىن, سوتتاردى قارجىلاندىرۋدى جاقسارتۋدى جانە تسيفرلاندىرۋدى دامىتۋدى قامتيتىنىنا نازار اۋداردى.
شەتەلدىك ساراپشىلار قازاقستانداعى سوت اكىمشىلىگىنىڭ قازىرگى مودەلى, سونىڭ ىشىندە IT-قۇرالدارى سوتتاردىڭ اشىقتىعىن ارتتىرىپ, اۋقىمدى دەرەكتەردى وڭدەۋدى جىلدامداتا العانىنا, سوت پروتسەسىنە قاتىسۋشىلار اراسىنداعى ءۇزىلىسسىز بايلانىستى قامتاماسىز ەتىپ, سوت قاتەلەرىن ازايتىپ جانە سوتقا دەگەن سەنىمدى نىعايتۋعا ىقپال ەتكەنىنە قىزىعۋشىلىق ءبىلدىردى. ولار سۋديالار مەن سوت قىزمەتكەرلەرىن وقىتۋعا قاتىستى دا پىكىرلەرىن ورتاعا سالدى.
